मुंबई- सुशांत सिंह राजपूतच्या आत्महत्येचं गुढ दिवसेंदिवस वाढतंच चाललं आहे. या प्रकरणात नवनवीन खुलासे होताना दिसत आहेत. बॉलीवूडमधल्या अनेक लोकांची चौकशी झाल्यानंतर आता निर्माता करण जोहरची चौकशी होणार आहे. या आठवड्यात कधीही करण जोहरची चौकशी होऊ शकते. करणच्या धर्मा प्रोडक्शनचे सीईओ अपूर्व मेहता यांची आज मंगळवारी चौकशी होणार आहे. याआधी करणची मॅनेजर रेश्मा शेट्टीची देखील चौकशी झाली होती.

हे ही वाचा: अक्षय कुमार 'बेलबॉटम' सिनेमाच्या शूटींगसाठी लंडनला उडन छू..

धर्मा प्रोडक्शन आणि सुशांतमध्ये 'ड्राईव्ह' सिनेमाच्या झालेल्या कराराची कॉपी देखील पोलिसांनी मागितली आहे, पोलिसांच्या तपासात ही गोष्ट समोर आली आहे की ड्राईव्ह या सिनेमामुळे सुशांत आणि धर्मा प्रोडक्शनमध्ये काहीतरी मतभेद झाले होते. स्वतः सुशांतची एक्स मॅनेजर श्रुती मोदीने पोलिसांच्या चौकशीमध्ये करण जोहर आणि सुशांतमध्ये झालेल्या एका प्रोजेक्टविषयीची ही महत्वाची माहिती दिली आहे.

श्रुतीच्या म्हणण्यानुसार सुशांतने करणच्या 'ड्राईव्ह' या सिनेमात काम केलं होतं.सुशांतने या सिनेमाच्या डबिंगसाठी तारख्या दिल्या नव्हत्या. यावर जेव्हा श्रुतीने सुशांतला विचारलं होतं तेव्हा सुशांत म्हणाला होता की मी तीनवेळा डबिंगसाठी तारखा दिल्या होत्या मात्र यांनी काहीच केलं नाही. आता पोलिस याचा तपास करत आहेत की या सिनेमामुळे सुशांत आणि करणच्या धर्मा प्रोडक्शनमध्ये काही मतभेद झाले होते का?

याशिवाय सोशल मिडियावर सतत अशी चर्चा सुरु आहे की 'ड्राईव्ह' हा सिनेमा ओटीटी प्लॅटफॉर्मवर रिलीज केल्यामुळे धर्मा प्रोडक्शनच्या या निर्णयावर सुशांत नाराज होता. सोबतंच असं देखील म्हटलं जातंय की हा सिनेमा हवा तसा मेहनत घेऊन बनवला गेला नव्हता आणि नाही याचं प्रमोशन हवं तसं झालं होतं. मात्र सुशांतला या सिनेमाकडून खूप अपेक्षा होत्या. 

पोलिसांना याच्याशीच संबंधित काही गोष्टींचा तपास करायचा आहे की खरंच हा सिनेमा बनण्याच्या आधी ओटीटीवर रिलीज करण्याचं ठरलं होतं की नंतर हा निर्णय बदलला गेला? याच प्रश्नाचं उत्तर मिळवण्यासाठी पोलिसांनी धर्मा प्रोडक्शन आणि सुशांतमध्ये या सिनेमाच्यावेळी झालेल्या कराराची कॉपी तपासासाठी मागवली आहे.

karan johar summoned in sushant singh rajput case