Gujju Pataka Song : अभिनेता कार्तिक आर्यनच्या 'सत्यप्रेम की कथा'या चित्रपटाची सध्या चर्चा सुरु आहे. कार्तिक आर्यन आणि कियारा अडवाणी यांची प्रमुख भुमिका असलेला हा चित्रपट काही दिवसात चित्रपटगृहात दाखल होणार आहे. या चित्रपटाची प्रसिद्धी करण्यासाठी निर्माते खूप मेहनत घेत आहेत.
या चित्रपटाचे पहिले गाणे 'तू मेरी रहना' काही दिवसापुर्वी प्रदर्शित झालं जे प्रेक्षकांना चांगलच आवडलं, त्यानंतर आता चित्रपटाचे दुसरे गाणे रिलीज करण्यात आले आहे.
आता या चित्रपटाचा 'गुज्जू पटाका' हे नवं गाणं रिलीज करण्यात आलं आहे. या गाण्यात कार्तिक आर्यन नवरदेवाच्या रुपात दिसत आहे. या गाण्यात तो साउथ लूकमध्येही दिसत आहे. लुंगी घालुन त्याने जोरदार डान्सही केली आहे. त्याचबरोबर नंतर तो गुजराती लुकमध्येही दिसत आहे. त्याचबरोबर गाण्यात अनेक संस्कृती दाखवण्याचा प्रयत्न करण्यात आला आहे.
या गाण्यात कार्तिक आर्यन जबरदस्त डान्स करताना दिसत आहे. गाण्यात एक सीन देखील येतो, ज्यामध्ये कार्तिकशी लग्न करण्यासाठी मुली आपापसात भांडत आहे.
हे गाण रिलिज होताच ट्रेंडही होत आहे. सर्वांनी पुन्हा कार्तिकच्या डान्सच खुप कौतुक केले आहे. तर काहींनी कार्तिकनंही लुंगी घातली असं म्हणत त्याची खिल्लीही उडवली आहे. तर काही त्याचं कौतुक करतांना थकत नाही आहे. मात्र या गाण्यानंतर पुन्हा कार्तिकनं लाईमलाईट चोरली आहे हे मात्र नक्कीच
सत्यप्रेम की कथाच्या स्टारकास्टबद्दल बोलायचे तर कार्तिक आर्यन आणि कियारा अडवाणी त्यांच्याशिवाय गजराज राव, सुप्रिया पाठक, रितू शिवपुरी आणि माहरु शेख यांच्याही महत्त्वाच्या भूमिका आहेत.
सत्यप्रेम की कथा एनजीई आणि नमह पिक्चर्स यांनी संयुक्तपणे निर्मित केली आहे. विशेष म्हणजे, किशोर अरोरा आणि दिग्दर्शक समीर विद्वांस यांच्यासह साजिद नाडियादवाला आणि शरीन मंत्री केडिया यांनी आपापल्या वैशिष्ट्यपूर्ण चित्रपटांसाठी राष्ट्रीय पुरस्कार जिंकले आहेत. 'सत्यप्रेम की कथा' 29 जून 2023 रोजी थिएटरमध्ये रिलीज होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.