KGF star Yash birthday: कन्नड सुपरस्टार यश आज त्याचा 38 वा वाढदिवस साजरा करत आहे. KGF फ्रँचायझीच्या जबरदस्त यशानंतर यश हा नवा 'पॅन इंडियन स्टार' म्हणुन लोकप्रिय झाला. त्याने 2000 च्या दशकात आपल्या कारकिर्दीला सुरुवात केली अन् आता तो साउथवरच नव्हे तर पूर्ण भारतातील चाहत्यांच्या मनावर राज्य करत आहे.

देशभरात त्यांच्या चाहत्यांची संख्याही प्रचंड आहेत. यशच्या वाढदिवसानिमित्त चाहते त्याच्यावर शुभेच्छांचा वर्षाव करत आहेत. नेहमीप्रमाणे यंदाही यशचे चाहते वाढदिवसाच्या सेलिब्रेशनसाठी खूप उत्सुक आहेत.

मात्र आता या आनंदावर विरझण पडलं आहे. यशच्या चाहत्यांसाठी एक दु:खद बातमी समोर आली आहे, त्याच्या वाढदिवसाची तयारीत असताना यशच्या तीन चाहत्यांचा मृत्यू झाल्याची बातमी समोर आली आहे.

यशचे चाहते त्याच्या वाढदिवसाची तयारी एक दिवस आधीच सुरू करतात. यशचा कट-आउट बसवताना विजेचा धक्का लागून तीन तरुणांचा मृत्यू झाल्याची घटना समोर आली आहे. तर या घटनेत तीन जण गंभीर जखमी झाले आहेत. उघड्या विद्युत तारेला स्पर्श झाल्याने तीन तरुणांचा जागीच मृत्यू झाला.

हा अपघात गदग जिल्ह्यातील लक्ष्मेश्वर तालुक्यातील सुरंगी गावात मध्यरात्री घडला. या घटनेत 21वर्षीय हणमंता हरिजन, 20 वर्षीय मुरली नदविनमणी आणि 19वर्षीय नवीन गाझी यांचा जागीच मृत्यू झाला. तर तिघे जण गंभीर जखमी झाले आहेत. त्यांच्यावर लक्ष्मेश्वर रुग्णालयात उपचार सुरु आहेत.

यशच्या वर्कफ्रंटबद्दल बोलायचे झाले तर तो शेवटचा KGF 2 मध्ये दिसला होता. आता चाहते KGF चॅप्टर 3 आतुरतेने वाट पाहत आहेत. चित्रपटाचे दोन्ही भाग संपूर्ण भारतात ब्लॉकबस्टर ठरले.

आता तो लवकरच गीतू मोहनदासच्या टॉक्सिक: अ फेयरी टेल फॉर ग्रोन अप्स चित्रपटात दिसणार आहे. या चित्रपटात त्याच्यासोबत साई पल्लवी दिसणार होती मात्र आता यासाठी करीना कपूर खानच्या नावाची चर्चा आहे.

यासोबतच तो नितीश तिवारी यांच्या 'रामायण'मध्ये रावणाची भूमिका साकारणार असल्याची चर्चा आहे.