Kranti Redkar Video: मराठीतील प्रसिद्ध अभिनेत्री क्रांती रेडकर सोशल मीडियावर भलतीच सक्रिय पहायला मिळते. ती अनेकदा व्हिडीओ रील म्हणा किंवा कुटुंबियांचे काही मजेदार किस्से व्हिडीओच्या माध्यमातून शेअर करत असते.

यात ती अनेकदा आपल्या आईचे काही किस्से शेअर करत असते. नुकताच तिनं एक व्हिडीओ शेअर केला आहे ज्यात ती आपल्या आईला कधीच फोन करत नाही असं म्हणत यामागची रामकहाणी देखील सांगितली.

खरंतर ती खूपच मजेदार गोष्ट आहे..जी ऐकल्यावर प्रत्येकालाच हसू येईल खासकरून लग्न झालेल्या मुलींना आपली देखील आई अशीच करते...असं वाटूनही जाईल. चला नेमकं आईला क्रांती फोन का करत नाही हे जाणून घेऊया.

क्रांतीनं नुकताच एक व्हिडीओ पोस्ट केला आहे. ज्यात ती म्हणाली आहे की ती तिच्या आईला फोन करत नाही अशी आईची तिच्या तक्रार आहे. पण याचं कारण सांगत क्राती म्हणालीय आई तशी संधीच तिला देत नाही.

ती पुढे म्हणाली आहे,तिची आई तिला दर अर्ध्या तासाने फोन करते आणि तिच्या प्रत्येक गोष्टीची माहिती करून घेते. आता दर अर्ध्या तासाने आई फोन करत असल्यानं मी कधी फोन करायचा हाच मोठा प्रश्न आहे. आणि हे सकाळी ८ पासून रात्री १२ पर्यंत सुरू असतं असं देखील क्रांती म्हणाली आहे.

महत्त्वाची गोष्ट म्हणजे क्रांतीनं ज्या पद्धतीनं हे सगळं विस्तारीतपणे सांगितलं आहे ते खरंच ऐकताना खूप मजेदार वाटत आहे. म्हणजे दर अर्ध्या तासाला आई फोन करुन काय विचारते याचा संपूर्ण वृत्तांत तिनं दिला आहे.

क्रांती अनेकदा वेगवेगळ्या विषयांवर आपले विचार मांडत असते. क्रांतीनं दिग्दर्शित केलेल्या 'रेन्बो' चित्रपटामुळे सध्या ती भलतीच चर्चेत आहे. उर्मिला कानेटकर,सोनाली कुलकर्णी,शरद केळकर,रिषी सक्सेना अशा कलाकारांनी 'रेन्बो' सिनेमात काम केलं आहे.