Kushi Box Office Collection Day 2: गेल्या महिन्यात काही बॉलिवूड चित्रपटांनी बॉक्स ऑफिसवर चांगलाच धुमाकूळ घातला. त्यात गदर2 , OMG2 हे चित्रपट प्रदर्शित झाले तर साऊथ सुपरस्टार रजनीकांतच्या जेलरने देखील बॉक्स ऑफिसवर राडा केला.

आता सध्या एकीकडे आयुष्यानचा ड्रीम गर्ल 2 सिनेमा प्रदर्शित झाला तर त्याला टक्कर देण्यासाठी विजय देवरकोंडा आणि सामंथा रुथ प्रभू यांचा 'कुशी' मैदानात आला. कुशी हा चित्रपट 1 सप्टेंबर रोजी प्रदर्शित झाला आहे.

या चित्रपटाला प्रेक्षकांचा चांगला प्रतिसाद मिळत आहेत. या चित्रपटातील विजय आणि सामंथाची जोडी प्रेक्षकांना खुप आवडली आहे. त्याचा फायदा चित्रपटाच्या कमाईला होत आहे.

कुशी या चित्रपटाची पहिल्या दिवसाची कमाई आयुष्मान खुराना आणि अनन्या पांडे यांच्या 'ड्रीम गर्ल 2' पेक्षा जास्त होती. तर आता या चित्रपच्या दुसऱ्या दिवसाच्या कमाईचे आकडेदेखील समोर आले आहेत.

बॉक्स ऑफिस रिपोर्टरनुसार, पहिल्या दिवशी 15.25 कोटीची कमाई करणाऱ्या कुशीने दुसऱ्या दिवशी 10 कोटींचा गल्ला जमवला आहे. या आकडेवारीसोबत आता कुशीचे एकूण कलेक्शन 25.25 कोटींवर गेले आहे.

या आकडेवारीत अशीच वाढ होत राहिली तर हा विजयचा तब्बल पाच वर्षानंतरचा हिट सिनेमा ठरेल तर सामंथाचा यशोदा आणि शकुंतलम फ्लॉप झाल्यानंतर हा चित्रपट तिच्या करियरसाठी चांगली कमागिरी करणारा ठरेल.

तर दुसरीकडे 'ड्रीम गर्ल 2' बद्दल बोलायचं झाल्यास या चित्रपटाने पहिल्या दिवशी केवळ 10 कोटींची कमाई केली. आणि दुसऱ्या दिवशी 14.02 कोटी. त्यामुळे कुशीच्या कमाईचे आकडेवारीनुसार 'कुशी' लवकरच 'ड्रीम गर्ल 2'ला मागे सोडणार असं बोलल्यास वावगं ठरणार नाही.

'ड्रीम गर्ल 2' रिलीज होऊन 9 दिवस झाले आहेत. रिलीजच्या 8 व्या दिवशी चित्रपटाने खुप कमी कमाई केली. चित्रपटाने 9व्या दिवशी 6 कोटींचा व्यवसाय केला आहे आणि यासोबत आयुष्मान खान स्टारर चित्रपटाचे एकूण कलेक्शन 77.70 कोटी रुपये झाले आहे.

त्यातच आता विजय आणि सामंथाचा कुशी किती कमाई करतो याकडे प्रेक्षकांचे लक्ष लागले आहे. मात्र त्यातच कुशीला आता शाहरुख खानच्या जवान चित्रपटाचाही धोका आहे. कारण हा सिनेमा देखील पुढच्या आठवड्यात रिलिज होणार आहे. त्यामुळे कुशी चित्रपटासाठी हा आठवडा खुप महत्वाचा असेल.