Laal Singh Chaddha Controversy: आमिर खानचा लाल सिंग चड्ढा सिनेमा ११ ऑगस्ट रोजी रिलीज झाला आहे. सिनेमा रिलीज आधीपासूनच वादात पडला होता. सोशल मीडियावर सिनेमाला बॉयकॉट करण्याची मागणी केली गेली होती. सिनेमा रिलीज झाल्यानंतर प्रेक्षकांच्या आणि समिक्षकांच्या संमिश्र प्रतिक्रिया यावर पहायला मिळत आहेत. पण आता नव्यानं काही हिंदू संघटनांनी सिनेमाला विरोध करायला सुरुवात केली आहे. सिनेमावर बंदीची मागणी यामुळे पुन्हा जोर धरु लागली आहे.(Laal singh Chaddha- Sanatan Rakshak sena demands ban on aamir's laal singh chaddha movie)

सिनेमा ११ ऑगस्टला रिलीज झाल्यानंतर काही संघटनांनी सिनेमाला विरोध दर्शविला. बातमीनुसार,वाराणसीच्या आईपी विजया मॉलच्या बाहेर सनातन रक्षक सेनाने आमिर खान आणि त्याच्या लाल सिंग चड्ढा सिनेमाविरोधात जोरदार घोषणाबाजी केली. संघटनेने उत्तर प्रदेशात सिनेमावर बंदीची मागणी केली आहे. आणि आमिर खानवर हिंदू देव-देवतांचा अपमान केल्याचा आरोपही केला आहे.

सनातन रक्षक सेनाच्या यूथ विभागाचे अध्यक्ष चंद्र प्रकाश सिंग आणि उपाध्यक्ष अरुण पांडेने आरोप केला आहे की आमिर खानने ना केवळ हिंदू देवतांचा अपमान केला आहे तर त्यानं सनातन धर्माचा देखील विरोध केला आहे. ते म्हणाले, ''आम्ही घराघरात जाऊन अपील करु की आमिर खानच्या सिनेमाला बॉयकॉट करा. त्यासोबतच,आम्ही मुख्यमंत्री योगी आदित्यनाथ यांच्याकडेही सिनेमावर बंदी आणण्याची मागणी करणार आहोत''.

लाल सिंग चड्ढाला होणाऱ्या वाढत्या विरोधानंतर आमिर खानने माफी मागत लोकांना सिनेमा पहायचं आवाहन केलं होतं. तो म्हणाला होता,''जर मी कोणाचं मन दुःखावलं असेल कुठल्याही कारणानं तर मला त्याचा खेद आहे, कोणाचेही मन दुखवायचा माझा हेतू केव्हाच नव्हता''.

लाल सिंग चड्ढा हा सिनेमा हॉलीवूडचा गाजलेला सिनेमा 'फॉरेस्ट गम्प'चा ऑफिशिअल रीमेक आहे. ज्यामध्ये टॉम हॅंक्स मुख्य भूमिकेत होता. तर लाल सिंग चड्ढा मध्ये आमिर खानसोबत करिना कपूर,मोना सिंग आणि नागा चैतन्य देखील महत्त्वाच्या भूमिकेत आहेत.