Hollywood Star Leonardo Dicaprio : हॉलीवूडमधील प्रसिद्ध अभिनेता लिओनार्दो दी कॅप्रिओ हा त्याच्या वेगवेगळ्या स्टाईलसाठी ओळखला जाणारा अभिनेता आहे. टायटॅनिक या चित्रपटानं त्याला मोठी ओळख दिली. त्यानंतर तो जगभरामध्ये जॅक या टोपण नावानं ओळखला जाऊ लागला. आजही जगभरात लिओचा चाहतावर्ग मोठा आहे.

दोनपेक्षा अधिक वेळा ऑस्करसाठी नॉमिनेशन झालेल्या लिओला अखेर द रेव्हनंटसाठी सर्वोत्कृष्ट अभिनयाचा ऑस्कर मिळाला होता. सोशल मीडियावर देखील लिओनार्दो हा नेहमीच चर्चेत राहिला आहे. त्याच्या वैयक्तिक आयुष्यातील प्रेमप्रकऱणांमुळे चाहत्यांच्या प्रतिक्रियेचा विषय असतो. आताही लिओनार्दो हा त्याच्या एका मैत्रीणीसोबतच्या त्या घटनेमुळे चर्चेत आला आहे.

Also Read - Dahi Handi - गुंतवणुकीची उतरंड कशी हवी याचा धडा देणारा उत्सव

लिओनार्दोचा तो व्हिडिओ व्हायरल झाल्यानंतर त्याच्यावर नेटकऱ्यांनी वेगवेगळ्या प्रतिक्रिया दिल्या आहेत. अनेकांनी त्यानं सार्वजनिक ठिकाणी अशा प्रकारची कृती करणे हे अशोभनीय असल्याचे मत व्यक्त केले आहे. काहींनी लिओ असा कसा वागू शकतो. तो मोठा आणि प्रसिद्ध अभिनेता आहे. त्याच्याकडे अनेकजण आदर्श म्हणून पाहतात. अशावेळी त्यानं आपल्या सार्वजनिक ठिकाणच्या वागण्याकडे लक्ष द्यावे.

लिओनं त्याच्यापेक्षा २३ वर्षांनी लहान असलेल्या मॉडेल व्हिटोरिया सेरेटीला सगळ्यांसमोर किस केल्यानं वेगवेगळ्या चर्चांना उधाण आले आहे. तो व्हिडिओ देखील सोशल मीडियावर चर्चेत आला आहे. लिओचा एक व्हिडिओ सध्या सोशल मीडियावर व्हायरल झाला असून तो एका क्लबचा असल्याचे बोलले जात आहे. सुत्रांनी दिलेल्या माहितीनुसार तो व्हिडिओ हा एका महिन्यापूर्वीचा असल्याचे बोलले जात आहे.

त्याचं झालं असं की, ऑगस्टमध्ये लिओ हा त्याच्या गर्लफ्रेंडसोबत व्हिटोरियासोबत स्पेनच्या इबिजा येथे नाईट आऊटसाठी गेले होते. तिथं त्यांनी एकत्रित डान्स केला. आणि एकमेकांना किस केले. तो व्हिडिओ आता वेगानं सोशल मीडियावर व्हायरल होतो आहे.

४८ वर्षीय लिओनार्दोवर काही नेटकऱ्यांनी टीका केली आहे. लिओ हा आता एक सिनिअर कलाकार आहे. त्यानं आपल्या जबाबदारीचे भान ठेवणे गरजेचे आहे. अशा प्रतिक्रिया नेटकऱ्यांनी दिल्या आहेत. व्हिटोरिया सेरेटी ही लिओपेक्षा २३ वर्षांनी लहान आहे.