Bobby Deol Birthday Celebration News: बॉबी देओल हा सर्वांचा लाडका अभिनेता. बॉबीला आपण आजवर अनेक सिनेमा, वेबसिरीजमधून अभिनय करताना पाहिलंय. बॉबी देओलचा आज वाढदिवस.
२०२३ मध्ये अॅनिमल सिनेमाच्या माध्यमातून बॉबीने सर्वांचं लक्ष वेधलं. भूमिका छोटी असली तरीही बॉबीच्या अभिनयाचं खुप कौतुक झालं. अशातच बॉबीने आज पापाराझी आणि चाहत्यांसोबत वाढदिवसाचं खास सेलिब्रेशन केलं.
बॉबीच्या वाढदिवस सेलिब्रेशनचे व्हिडीओ सोशल मीडियावर व्हायरल झालेत. या व्हिडीओत बॉबीच्या वाढदिवसाचं खास सेलिब्रेशन करण्यात आलंय. या व्हिडीओत बॉबी निळ्या रंगाचं टीशर्ट घालून बाहेर आला.
त्याच्याभोवती अनेक फॅन्सची गर्दी जमली होती. बॉबीसाठी ५ थरांचा केक ठेवण्यात आला होता. याशिवाय एका फॅनने बॉबीसाठी भलामोठा जाडजूड हार आणून त्याच्या गळ्यात टाकला. बॉबीने अॅनिमलमधील सिग्नेचर स्टेप करुन सर्वांचं मन जिंकलं.
अभिनेता सुरिया त्याचा पुढील तामिळ चित्रपट 'कंगुवा'साठी सज्ज झाला आहे. शनिवारी, 27 जानेवारी रोजी सोशल मीडियावर चित्रपटातील खलनायकी भूमिकेत असलेला अभिनेता बॉबी देओलचा लूक शेअर करण्यात आलाय. बॉबी सिनेमात उधीरन ही भूमिका साकरणार आहे,
बॉबीचा लूक शेअर करताच पोस्टमध्ये लिहिले आहे की, "निर्दयी. शक्तिशाली. अविस्मरणीय. आमचा #उधीरन, #लॉर्ड बॉबी सरांना वाढदिवसाच्या शुभेच्छा."
'कंगुवा' चित्रपट 1500 वर्षांपूर्वीच्या काळात सेट केला गेला आहे. या सिनेमात संपूर्ण भारतातील भिन्न संस्कृती दर्शविणारे घटक दिसणार आहेत. शिवाय काल्पनिक कथांमध्ये प्राचीन तमिळ संस्कृतीशी संबंधित अनेक संदर्भ आणि तथ्ये पाहायला मिळणार आहेत.
हा चित्रपट 2024 च्या उन्हाळी सुट्ट्यांमध्ये चित्रपटगृहांमध्ये प्रदर्शित होण्याची अपेक्षा आहे. याशिवाय कंगुवा 10 वेगवेगळ्या भाषांमध्ये 3D मध्ये प्रदर्शित होईल. या चित्रपटातून दिशा पटानी आणि बॉबी देओल साऊथ इंडस्ट्रीत पदार्पण करत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.