The trailer of Lust Stories 2 starts : नेटफ्लिक्सवरील बहुचर्चित अशा लस्ट स्टोरीज २ चा ट्रेलर आता प्रदर्शित झाला आहे. त्याला सोशल मीडियावर मिळालेला प्रतिसादही जोरदार असल्याचे दिसून आले आहे. गेल्या काही दिवसांपासून लस्ट स्टोरीजच्या २ विषयी चाहत्यांना कमालीची उत्सुकता होती. अखेर त्याचा ट्रेलर प्रदर्शित झाला असून त्यातील एका संवादानं खळबळ उडवून दिली आहे.
मानवी नात्याची गुंतागुंत, शारीर प्रेम, आकर्षण, त्यातील संघर्ष, प्रेमात गुंतून पडल्यावर तयार होणारी मानसिकता यासाऱ्या गोष्टींचा लस्ट स्टोरीज २ मध्ये विचार करण्यात आला आहे. सोशल मीडियावर आलेल्या ट्रेलरमध्ये देखील त्या गोष्टी ठळकपणे जाणवतात. लग्न, लग्नसंस्था आणि त्याचा मानवी नात्यावर होणारा परिणाम त्यावरील परखड भाष्य ट्रेलरमधून करण्यात आले आहे.
Also Read: Internet shutdown : खरोखरच इंटरनेट बंद केल्याने दंगली थांबतात का?
प्रसिद्ध नीना गुप्ता यांच्या तोंडी एक संवाद आहे. जो सध्या सोशल मीडियावर प्रचंड व्हायरल होतो आहे. तो असा की, नवीन गाडी घेण्यापूर्वी आपण तिची ट्रेस्ट ड्राईव्ह घेतो की नाही, त्याच प्रमाणे लग्न घेण्यापूर्वी काही गोष्टींची खात्री करुन घ्यावी. अशा आशयाचा संवाद सध्या ट्रेंडिंग असल्याचे दिसून आले आहे. त्याला नेटकऱ्यांची पसंती मिळालेली आहे.
लस्ट स्टोरीजच्या दुसऱ्या भागात ज्या जोडीविषयी सर्वाधिक बोललं जात होते त्या विजय वर्मा आणि तमन्ना भाटियाचा रोमँटिक अंदाज प्रेक्षकांना घायाळ करताना दिसतो आहे. तिलोत्तमा नावाची अभिनेत्री देखील या चित्रपटामध्ये दिसणार आहे. यापूर्वी तिच्या सर नावाच्या चित्रपटातील भूमिकेचं प्रचंड कौतूक झालं होतं. गेल्या काही वर्षांपासून तिलोत्तमानं प्रेक्षकांना जिंकून घेतलं आहे. लस्ट स्टोरीज २मध्ये विजय आणि तमन्नाच्या भूमिकेची प्रेक्षकांना कमालीची उत्सुकता आहे.
काय आहे लस्ट स्टोरीज....
यापूर्वी लस्ट स्टोरीजचा पहिला पार्ट आला होता. त्याला देखील प्रेक्षकांचा मोठा प्रतिसाद मिळाला होता. त्यामध्ये आकाश ठोसर, राधिका आपटे, कियारा अडवाणी, भूमी पेडणेकर या कलाकारांनी अभिनय केला होता. आगळ्या वेगळ्या धाटणीच्या या कथांना प्रेक्षकांनी स्विकारत त्याचे कौतूकही केले होते. या नव्या पार्टचे दिग्दर्शन अमित आर शर्मा, आर बाल्की, सुजय घोष आणि कोंकणा सेन यांनी केले आहे.
आता सोशल मीडियावर जो ट्रेलर व्हायरल झाला आहे. त्यामध्ये कोणत्या शॉर्ट फिल्मचे दिग्दर्शन कुणी केले आहे याविषयी काही कळत नसून सगळ्या शॉर्ट फिल्म्सचे एकत्रित संकलन करुन त्याचा तयार करण्यात आलेल्या ट्रेलरला प्रेक्षकांचा मोठा प्रतिसाद मिळताना दिसतो आहे. या नव्या पार्टमध्ये काजोल देखील दिसणार आहे. तिच्या भूमिकेविषयी प्रेक्षकांना कमालीची उत्सुकता आहे. हा चित्रपट २९ जून रोजी नेटफ्लिक्सवर प्रदर्शित होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.