Mahendra Singh Dhoni Bhuvan Bam celebrities : क्रीडा विश्वामध्ये सर्वाधिक चर्चेतील नाव म्हणजे महेंद्रसिंग धोनी. धोनीनं आंतरराष्ट्रीय क्रिकेटमधून निवृत्ती घेतल्यानंतरही त्याच्या नावाची लोकप्रियता अजुनही कायम आहे. सोशल मीडियावर देखील धोनीच्या नावाचा बोलबाला असतो. कोणत्याही वादात न अडकणारा, कुणालाही न बोलणारा धोनी मात्र एका प्रकरणामुळे अडचणीत आल्याचे दिसून आले आहे.
धोनीच्या विरोधात आलेल्या तक्रारींची नोंद आता भारतीय विज्ञापन मानक परिषद अर्थात एएससीआयनं घेतली आहे. त्यांचे म्हणणे आहे की, आतापर्यत आमच्याकडे सर्वाधिक तक्रारी या महेंद्रसिंग धोनीच्या विरोधातीलच आहे. त्यामुळे आम्हाला येत्या काळात त्याच्यावर कारवाई करायची की नाही हे ठरवावे लागणार आहे. अशी माहिती परिषदेच्या वतीनं देण्यात आली आहे. त्या तक्रारींमध्ये प्रसिद्ध युट्युबर भुवन बामचे देखील नाव आल्याची माहिती आहे.
Also Read - Fatty Liver Disease: संतुलित आहारातून रोखा फॅटी लिव्हरचा आजार
जाहिरात उद्योगाच्या स्व नियमक संस्था एएससीआयनं म्हटले आहे की, जाहिरात करणाऱ्या प्रसिद्ध सेलिब्रेटींच्याविरोधात आलेल्या तक्रारींची दखल घेतली जाणार आहे. गेल्या काही दिवसांपासून आमच्याकडे आलेल्या तक्रारींची संख्याही जास्त आहे. त्या प्रसिद्ध किक्रेटपटू महेंद्रसिंग धोनी आणि भुवन बाम यांच्या नावाचा समावेश आहे.
त्या अहवालामध्ये असे म्हटले आहे की, आर्थिक वर्ष २०२२ ते २०२३ मध्ये भारतातील चर्चेतील सेलिब्रेटींच्या विरोधात अनेक तक्रारी समोर आल्या आहेत. त्यांची संख्या ही ५०३ एवढी आहे. गेल्या वर्षीच्या तुलनेत ही संख्या मोठी आहे. मागील वर्षी ही संख्या ५५ एवढी होती. उपभोक्ता संरक्षण अधिनियमानुसार, ज्यांच्याविरोधात तक्रारी दाखल करण्यात आल्या आहेत त्याची दखल घेऊन त्याविरोधात कारवाई करण्यात येणार आहे.
ज्यावेळी जे कुणी सेलिब्रेटी एखादी जाहिरात करतात तेव्हा त्यांनी नियम व अटींचे पालन करणे गरजेचे आहे. बऱ्याचदा त्यांच्याकडून ते होत नाही. त्यानंतर आमच्याकडे तक्रारी येतात. मोठ्या व्यक्ती यांची जबाबदारी मोठी आहे. शेवटी अनेकजण त्यांच्याकडे पाहूनच बऱ्याच गोष्टींची दखल घेत असतात. असेही सांगण्यात आले आहे. यासगळ्यात भारतीय क्रिकेट संघाचा माजी कर्णधार महेंद्रसिंग धोनीवर सर्वाधिक १० तक्रारींची नोंद झाली आहे.
जाहिरात उदयोग संस्थेला यावर्षी ८ हजार ९५१ तक्रारी आल्या आहेत. त्यातील ७ हजार ८२८ तक्रारींची आतापर्यंत दखल घेण्यात आली आहे. यातीत बहुतांशी जाहीराती या डिजिटल मीडियावर प्रसिद्ध करण्यात आल्या होत्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.