maherchi sadi : महाराष्ट्रात चित्रपटांच्या इतिहासातील एक महत्वाचा चित्रपट म्हणजे 'माहेरची साडी'. अलका कुबेर कुबल यांचा हा चित्रपट जवळजवळ २५ आठवडे तुफान चित्रपटगृहात चालत होता. या चित्रपटाने घराघरातील महिलांना अक्षरशः रडवले. हा चित्रपट इतका गाजला की 'माहेरची साडी' माहित नाही असा कुणीही नाही. या चित्रपटापासून अलका ताईंची आदर्श सून म्हणून झालेली ओळख आजही तशीच आहे. या चित्रपटाचा प्रभाव इतका आहे की, आजही कित्येक महिला हा चित्रपट पाहून रडतात. अशा या 'माहेरच्या साडी'ला आज 31 वर्षे पूर्ण झाली. जाणून घेऊन हा इतिहास घडवणारा चित्रपट कसा होता..

'सासरला ही बहीण निघाली.. भावाची लाडी.. नेसली माहेरची साडी' हे गाण आजही आपण प्रत्येक लग्नात ऐकतोच. हे गाणं ऐकताच प्रत्येकाच्या डोळ्यांच्या कडा पाणवतात. हे लोकप्रिय गाणं देखी 'माहेरची साडी' मधलं आहे. 'माहेरची साडी' हा चित्रपट  १८ सप्टेंबर १९९१ साली रिलीज झाला होता. हा मराठीतील एक ब्लॉकबस्टर चित्रपट ठरला. या चित्रपटाची निर्मिती आणि दिग्दर्शन विजय कोंडके  यांनी केले होते. तर प्रमुख भूमिकेत अलका कुबल (alka kubal), रमेश भाटकर, उषा नाडकर्णी, आशालता, विक्रम गोखले, अजिंक्य देव असे दिग्गज कलाकार होते.

बहीण भावाची, बाप लेकीची गोष्ट सांगणाऱ्या या चित्रपटाने रिलीज झाल्यानंतर पहिल्या तीन महिन्यांत १२ कोटीची कमाई केली होती. त्यावेळी इतकी कमाई करणारा हा विक्रमी चित्रपट ठरला होता. आजही अनेक चित्रपटांना कोटींची कमाई करणे शक्य होत नाही [न माहेरच्या साडीने 31 वर्षांपूर्वी ही जादू केली होती.

माहेरची साडी चित्रपट दोन वर्षांहून अधिक काळ प्रभात टॉकीज वर चालला. या चित्रपटातून उत्तम कौटुंबिक वास्तव, प्रेम, माया याचे दर्शन घडले. प्रत्येक बाईला हा चित्रपट आपला वाटून गेला. अगदी आजही या चित्रपटाची तितकीच लोकप्रियता आहे.