Malaika Arora: सोशल मीडियावर गेल्या काही दिवसांपासून एक व्हिडीओ व्हायरल होत. या व्हिडीओमध्ये एक व्यक्ती श्वानाला मुक्का मारताना आणि लाथ मारताना दिसत आहे. हा व्हिडीओ ठाण्यातील एका पाळीव प्राण्यांच्या दवाखान्यातील आहे, असं म्हटलं जात आहे. या प्रकरणी दोघांना पोलिसांनी ताब्यात घेतलं आहे. अशातच आता या संपूर्ण प्रकरणावर अनेक सेलिब्रिटी संताप व्यक्त करत आहेत. अभिनेत्री मलायका अरोरानं (Malaika Arora) देखील सोशल मीडियावर पोस्ट शेअर केली आहे. या पोस्टमध्ये तिनं मुख्यमंत्री एकनाथ शिंदे (Eknath Shinde ) यांना टॅग केलं आहे.
मलायकानं इन्स्टाग्रामवर एक व्हिडीओ शेअर केला आहे. या व्हिडीओमध्ये एक व्यक्ती श्वानाला मारताना दिसत आहे. तर पोलीस एका व्यक्तीला ताब्यात घेत आहे, असंही दिसत आहे. सोशल मीडियावरील पोस्टमध्ये मलायकानं लिहिलं,"मला आशा आहे की, तो गरीब असहाय कुत्रा ठीक असेल. मला खूप राग आला आहे, मला विश्वास आहे की, या प्रकरणाची कारवाई करण्यात आली असेल. त्या व्यक्तीला कठोर शिक्षा करण्याची वेळ आली आहे." या पोस्टमध्ये मलायकानं एकनाथ शिंदे यांना टॅग केलं आहे.
रितेश देशमुखनं देखील सोशल मीडियावर पोस्ट शेअर करुन या प्रकरणावर भाष्य केलं आहे. "या व्यक्तीला अटक करा आणि तुरुंगात टाका", अशी पोस्ट रितेशनं शेअर केली.
जेव्हा ठाण्यातील व्हिडीओ सोशल मीडियावर व्हायरल झाला तेव्हा PAWS चे पदाधिकारी, नीलेश भांगे आणि इतर काही जणांनी तक्रार दाखल केली, असे एका अधिकाऱ्याने पीटीआय या वृत्तसंस्थेला सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.