बॉलीवूड दिवा मलायका अरोरा (Malaika Arora) नेहमीच आपल्या स्टाईल आणि फॅशनमुळे सर्वांचे लक्ष वेधून घेताना दिसते. ज्या कार्यक्रमात ती हजेरी लावते तिथे तिच्या उपस्थितीमुळे चारचॉंद लागतात हे निश्चित. यंदाच्या मिस इंडिया २०२२(Miss India 2022) सोहळ्याला देखील ती हजर राहिली होती. या सोहळ्यातील तिच्या लूक आणि सिझलिंग अंदाज अनेकांना भावला आहे तर बऱ्याच जणांना खटकला आहे. सोशल मीडियावर मलायकाचे फोटो आणि व्हिडीओवर भलतीच चर्चा रंगलेली दिसतेय. पण यामागे एक खास कारण आहे,चला जाणून घेऊया त्याविषयी.(Malaika Arora trolled for her look at Miss India 2022)

आपल्या सर्वांनाच मलायकाच्या मिस इंडिया २०२२(Miss India 2022) सोहळ्यातील लूकची इतकी चर्चा का रंगली आहे याविषयी जाणून घ्यायचं असणार. ती नेहमीच आपल्या ग्लॅमरस आणि सिझलिंग अंदाजानं चर्चेचा विषय ठरते. मिस इंडिया कार्यक्रमात मलायकाच्या गळ्यातील नेकलेसला पाहून लोकांना मात्र सलमान खानच्या हातातील त्या प्रसिद्ध ब्रेसलेटची आठवण झाली आहे. मलायकानं आपल्या गळ्यात ग्रीन कलरच्या स्टोनचा नेकलेस परिधान केला आहे,जो तंतोतंत सलमान खानच्या ब्रेसलेट सारखा दिसत आहे,ज्या ब्रेसलेटला दबंग खान नेहमीच हातात घालून असतो.

मलायकाच्या नेकलेसला पाहून नेटकरी तिनं गळ्यात सलमानचा ब्रेसलेट तर घातला नाही न? असा प्रश्न विचारताना दिसत आहेत. एका नेटकऱ्यानं लिहिलं आहे-'सलमान खानचं ब्रेसलेट गळ्यात घातलं आहेस वाटतं'. तर दुसऱ्या एका नेटकऱ्यानं लिहिलं आहे की-'हे सलमान खानचं ब्रेसलेट हिच्या गळ्यात काय करतंय? चुकून घेऊन आली होती का खान कुटुंबाच्या घरातून निघताना?'.

मलायकाच्या ब्रेसलेटविषयी तर आपण बोललो. आता जरा बोलूया अभिनेत्रीच्या ड्रेस आणि लूक विषयी. 'मिस इंडिया २०२२' कार्यक्रमात मलायका अरोराने सोनेरी रंगाचा ट्रान्स्परंट ड्रेस परिधान केला होता. चक्क या ड्रेसमधून तिची अंतर्वस्त्र देखील दिसत आहेत. आणि त्यांचा रंग ड्रेसपेक्षा पूर्ण मिसमॅच असल्याकारणानं ते आणखी विचित्र दिसत आहे. काही जणांनी तिच्या अंतर्वस्त्रा वरुनही तिला ट्रोल केलं आहे.

मलायकानं मिस इंडिया सोहळ्यात सोनेरी रंगाच्या ड्रेससोबत केलेला मेकअप खूप Subtle ठेवला होता. तिच्या स्टायलिश हेअर स्टाईलने मात्र तिच्या लूकचा चार्म वाढवला होता हे खरं आहे.