मराठी चित्रपटातून चित्रपटसृष्टीत पदार्पण करणारी चंद्रा म्हणजेच अमृता खानविलकर आज तिचा ३८ वा वाढदिवस साजरा करत आहे. अमृताने केवळ मराठीच नव्हे तर हिंदी फिल्म इंडस्ट्रीत देखील आपल्या अभिनयाची छाप पाडली आहे. तिला ‘वाजले की बारा’ या गाण्यातून खरी ओळख मिळाली. 'मुंबई सालसा' हा तिचा पहिला मराठी चित्रपट होता.

मंगळवारी अमृता खानविलकरने हिमांशू मल्होत्रा आणि आपल्या जवळच्या मित्रपरिवार सोबत दिमाखात तिचा बर्थडे सेलिब्रेट केला. तिच्या वाढदिवसाच्या सेलिब्रेशनसाठी मराठी फिल्म इंडस्ट्रीतील कलाकारांनी हजेरी लावली. यावेळी बर्थडेगर्ल अमृताने सिंपल काळ्या रंगाचा टु पीस ड्रेस घातला होता. केस मोकळे सोडत सिंपल मेकअप केला होता. तिच्या या वर्षीच्या चंद्रा या गाण्यांने अमृताला वेगळीच प्रसिद्धी मिळवून दिली. त्यामूळे ती वाढदिवसाच्या पार्टीत ती चंद्रा या गाण्यावरच थिरकली.

अमृता खानविलकरच्या बर्थडेमध्ये ऋत्विक महाजनी आणि शरद केरकळ यांनीही हजेरी लावली होती. प्रसाद ओक आणि मंजरी ओक दोघांनी सेम ब्लॅक कलरमध्ये ट्यूनिंग केलं होतं तर अंकिता लोखंडे विकास जैन सोबत आली होती‌. सोनाली खरे आणि तिचा नवरा विजय आनदही या पार्टीत दिसले. अभिज्ञा भावे आणि नेहा पेंडसेही पार्टीत दिसली.

हेही वाचा: Elon Musk Takeover Twitter : ट्विटरची टिवटिव थांबणार का?

अमृता खानविलकरचा हा व्हिडिओ चाहत्यांना खूप आवडला आहे. अमृता खानविलकरच्या डान्सचे सोशल मीडियावर कौतुक होत आहे. तसे, झलक दिखला जा मध्ये अमृतानेही नृत्याची जबरदस्त डान्सची कला दाखवली होती. मात्र, सेमीफायनलच्या काही दिवस आधी तिला शोमधून बाहेर काढण्यात आले. यामुळे चाहत्यांना धक्का बसला कारण अमृता ही एक अप्रतिम डान्सर आहे.