Actress Deepa parab Podcast: झी मराठी वाहिनीवरील 'तू चाल पुढं...' मालिकेत अश्विनी या मध्यवर्ती भूमिकेच्या माध्यमातून अभिनेत्री दीपा परबने प्रेक्षकांच्या मनात घर केले आहे. दीपाने अनेक वर्षांच्या ब्रेकनंतर पुन्हा मालिकेतून पदार्पण केले आहे.

दीपाने तिला वयाच्या चाळीशीनंतर कमबॅक करताना नेमका काय फरक जाणवतो किंवा यानं अभिनेत्री म्हणून काम करताना फरक पडतो का यावर ती खुलेपणाने बोलली. ईसकाळला दिलेल्या पॉडकास्ट मुलाखतीत दीपा तिच्या वयाच्या चाळीशीनंतर कमबॅक करताना आणि तिच्या मालिकेबद्दल बोलली आहे.

वयाच्या चाळीशीनंतर कमबॅक करताना नेमका काय फरक जाणवतो किंवा यानं अभिनेत्री म्हणून काम करताना फरक पडतो असं विचारण्यात आल्यावर यावर दीपानं थेट भाष्य केलं आहे. ती म्हणाली, "मी ठरवून ब्रेक घेतला होता, प्रत्येक गोष्टीला वेळ देणं खूप महत्वाचं असतं.

आणि माझ्या मुलासाठी मला वेळ देणं खूप महत्वाचं होतं, पण त्याचबरोबर या क्षेत्रापासून लांब गेले असं म्हणता येणार नाही. कारण अंकुशसुद्धा याच क्षेत्राचा असल्यामुळे सतत चर्चा आणि या गोष्टी होतात. आणि मला माहित होतं की मी परत येणार, मला करायचंय मी फक्त संधी ची वाट बघत होते. आणि मला ती संधी मिळाली".