सध्या सगळीकडे दिवाळीची धामधूम सुरु आहे. आकाशकंदील, दिवे, फराळ अशा अनेक गोष्टींनी दिवाळी घराघरात उत्साहात साजरी केली जात आहे. यंदा प्रदुषणात वाढ झाल्याने अनेक जाणकार मंडळी फटाके न फोडण्याचे आवाहन करत आहे.

अशातच एका मराठमोळ्या अभिनेत्रीने फटाके न फोडायचं आवाहन करतानाच तिच्या आयुष्यातला एक खास किस्सा सांगितला आहे.

चंद्रमुखी सिनेमात झळकलेली आणि भाग्य दिले तू मला मालिकेत झळकलेली अभिनेत्री सुरभी भावेने दिवाळीत फटाके न फोडण्याचं आवाहन केलंय.

सुरभी लिहीते, "दिवाळीच्या खूप खूप शुभेच्छा !! ह्या निमित्ताने एक आवाहन हवेत आधीच खूप प्रदूषण आहे त्यात फटाके वाजवून भर टाकण्यापेक्षा एकमेकांच्या घरी जाऊन भेटू शकतो किंवा उत्तम वाचन ,उत्तम सिनेमा ,उत्तम नाटक असे सर्व पाहून दिवाळी साजरी करू शकतो ..."

सुरभी पुढे लिहीते, "P.S आता जे मला उपदेशाचे डोस पाजतील की तू पण फटाके वाजवतच असशील वगैरे तर त्यांच्यासाठी.. मी 4थी मध्ये असताना कारगिल युद्ध झालेलं त्यावेळी मी फटाके न घेता गावात पैसे गोळा करून ते सैनिकांना दिलेले तेव्हापासून मी जे फटाके वाजवणं बंद केलं ते आजतागायत मी फुलबाजी पण लावलेली नाही."

अशाप्रकारे सुरभीने फटाके न वाजवण्याचं आवाहन केलंय.