Pravin Raja Karale Death: गेल्या काही दिवसांपासून मराठी मनोरंजन विश्वातले अनेक तारे निखळले आहेत. सुलोचना दीदी यांचं काही दिवसांपूर्वी निधन झालं.

याशिवाय ज्येष्ठ अभिनेत्री आशा तांबे काळाच्या पडद्याआड गेल्या. आता मराठी मनोरंजन विश्वातील आणखी एक तारा निखळला आहे.

तो म्हणजे प्रसिद्ध दिग्दर्शक प्रवीण राजा कारळे. प्रवीण यांच्या निधनामुळे मनोरंजन सृष्टीत शोक व्यक्त केला जातोय.

(marathi director pravin karale passed away )

चित्रपट दिग्दर्शक प्रवीण कारळे यांचे आज (२३ जून) सकाळी दहा वाजता पुण्यात मंगेशकर इस्पितळात दुःखद निधन झाले.

प्रवीण कारळे हे सुप्रसिद्ध नाट्य आणि चित्रपट समीक्षक राजा कारळे यांचे चिरंजीव होते.

वयाच्या अवघ्या चौथ्या वर्षी त्यांनी रंगभूमीवर पदार्पण केले होते. अगदी लहानपणापासूनच त्यांनी चित्रपटसृष्टीतील बारकावे समजून घेतले होते.

त्यांचे ‘बोकड’, ‘भैरू पैलवान की जय’, ‘मानसन्मान’, ‘माझी आशिकी’, ‘हृदयात समथिंग समथिंग’ हे चित्रपट गाजले होते. त्यांच्या निधनाने मनोरंजन विश्वावर शोककळा पसरली आहे.