Masaba Gupta:' बॉलीवूड अभिनेत्री नीना गुप्ताची मुलगी मसाबा गुप्तानं आपला बॉयफ्रेंड सत्यदीप मिश्रा सोबत अखेर शुभमंगल उरकलं आहे. तिनं आपल्या जवळचे कुटुंबिय आणि मित्रपरिवाराच्या उपस्थितीत वेडिंग सेलिब्रेशन केलं.

लग्नानंतर संपूर्ण कुटुंबानं वेडिंग सेलिब्रेशन पार्टी एन्जॉय केली. ज्याचे व्हिडीओ सोशल मीडियावर व्हायरल झाले आहेत. काही नेटकरी मात्र मसाबाच्या कपड्यांवर खूप वाईट कमेंट करताना दिसत आहेत. काही लोकांनी म्हटलं आहे की तिनं स्विमिंग कॉश्युमवर ओढणी बांधली आहे. (masaba gupta troll wedding celebration dress netizens comment)

मसाबा गुप्ता आणि सत्यदीप मिश्रानं संपूर्ण कुटुंबासोबत सेलिब्रेशन पार्टी एन्जॉय केली. नीना गुप्ता देखील आपल्या मुलीच्या लग्नात सुंदर दिसत होत्या. मसाबाचे वडील विवियन रिचर्ड देखील लग्नसोहळ्यास हजर राहिले होते. पार्टीनंतर नीना आणि मसाबानं मिळून पापाराझीला मिठाई वाटली. त्यांचे व्हिडीओ सोशल मीडियावर समोर आल्यानंतर मसाबाचा ड्रेस पाहून मात्र लोक नको-नको त्या कमेंट करू लागले आहेत.

मसाबाच्या कपड्यांवर एका नेटकऱ्यानं लिहिलं आहे की,'डिझाइनर असूनही स्वतःसाठी चांगले कपडे डिझाइन करू शकली नाही. काय कामाची अशी डिझाइनर'. दुसऱ्या एका नेटकऱ्यानं लिहिलं आहे की,'ओढणी का बांधलीय अशी'. तर आणखी एकानं लिहिलं आहे, 'आथियाच्या लग्नात सुनिल शेट्टीनं केलेला पेहराव हिनं कॉपी केलाय वाटतं...'

माहितीसाठी सांगतो की, मसाबा गुप्ताचं हे दुसरं लग्न आहे. तिनं मधु मंटेना सोबत २०१५ साली पहिलं लग्न केलं होतं. मधु मंटेना हा बॉलीवूडचा प्रसिद्ध निर्माता आहे. दोघे २०१९ मध्ये विभक्त झाले होते. तसंच,सत्यदीपचं देखील हे दुसरं लग्न आहे. त्यानं २००९ मध्ये अभिनेत्री अदिती राव हैदरी सोबत लग्न केलं होतं. पण २०१३ मध्ये त्यांच्या नात्याचाही द एन्ड झाला होता.