Milind Gawali News: आई कुठे काय करते (Aai Kuthe Kay Karte) मालिकेतून घराघरात पोहोचलेला अभिनेता म्हणजे मिलिंद गवळी. मिलिंद गवळी हे गेल्या अनेक वर्षांपासून मनोरंजन विश्वात कार्यरत आहेत.

त्यांनी मराठी मनोरंजन विश्वातील दिग्गज अभिनेत्यांसोबत काम केलंय. पन्नाशी उलटून गेली तरीही मिलिंद गवळी आजही फिट आणि हँडसम आहेत. शिवाय ते सोशल मीडियावर त्यांच्या फोटो आणि व्हिडिओमुळे चर्चेत असतात.

आज त्यांनी एक खास पोस्ट केली आहे. की पोस्ट आहे त्यांच्या एका खास मैत्रिणीसाठी. तेव्हा बघूया नेमकं मिलिंद गवळी काय म्हणाले आहेत.

(Milind Gawali shared post and memorable video for actress supriya pathare birthday)

अभिनेत्री सुप्रिया पाठारे यांचा आज वाढदिवस. त्यानिमित्ताने मिलिंद गवळी यांनी खास पोस्ट शेयर केली आहे. या पोस्ट सोबतच मिलिंद यांनी सुप्रिया सोबत काम केलेला एका जुन्या चित्रपटाचा विडिओही शेयर केला आहे.

मिलिंद म्हणतात, ''सुप्रिया वाढदिवसाच्या खूप खूप शुभेच्छा.... सुप्रिया वीस बावीस वर्षांपूर्वी आपण श्री वि.के. नाईक यांचा हा चित्रपट केला होता “हे आपलं असंच चालायचं”.. आपण बहीण भावाची भूमिका केली होती. त्या चित्रपटाच्या इतक्या सुंदर आठवणी अजूनही माझ्या मनामध्ये घर करून बसले आहेत.''

पुढे ते म्हणतात, ''आपल्या त्या सेटवर एक प्रेमळ अवलिया होता, जो प्रत्येकाला पोट दुखेपर्यंत हसवायचा, तो म्हणजे आपला सगळ्यांचा लाडका विजू मामा ( विजय चव्हाण ), खूप म्हणजे खूपच मजा आली होती तो चित्रपट करताना , पण त्यानंतर आपल्या ला एकत्र काम करायचा कधीच योग आला नाही, ही गोष्ट माझ्या मनामध्ये राहून गेलेली आहे''

''पण इतक्या वर्षानंतर सुद्धा आपलं नातं तितकच सुंदर आणि घट्ट आहे, तो तुझा पहिला चित्रपट होता , त्यानंतर तू अभिनय क्षेत्रात मागे वळून पाहिलंसच नाहीस, तुझे कष्ट , तुझी मेहनत तुझी चिकाटी and immense Talent, तुझं यश, तुझी प्रगती बघून मला खूप अभिमान वाटतो,
आज तुझ्या वाढदिवसाच्या निमित्ताने तुला खूप खूप शुभेच्छा आणि शुभ आशीर्वाद, अशीच रहा, खूप खूप यशस्वी हो.. आतापर्यंत तुझ्या अभिनयाने आम्हाला खूप हसवलंस , तसंच नेहमी हसवत राहा, आणि तू ही हसत रहा आणि आनंदी राहा.'' अशा शब्दात गवळी यांनी आपल्या भावना व्यक्त केल्या आहेत.