Mansi Naik Dance Video: मराठी चित्रपटसृष्टीत अनेक सौदर्यंवती आहेत त्यात आघाडी आणि लोकप्रिय असलेली अभिनेत्री म्हणजे मानसी नाईक. मानसी ही नेहमीच कोणत्या ना कोणत्या कारणाने चर्चेत असते. तिने अनेक चित्रपट, मालिका केल्या आहेत. मानसी नाईक सोशल मीडियावर कायम ऍक्टिव्ह असते. इतकच नाही तर मानसी अभिनेत्री असण्यासोबतच उत्तम डान्सरसुद्धा आहे.
ती सोशल मीडियावर सक्रिय असून कायम तिचे डान्स रिल्स आणि व्हिडिओ शेयर करते. तिचे व्हिडिओ देखील सोशल मीडियावर व्हायरल होत असतात. आज श्रावणाचा पहिला सण म्हणजे नागपंचमी हा सण आपण साजरा करत आहोत. नागपंचमी हा सण खूप आनंद घेऊन येतो असे म्हणतात. तर नागपंचमी निमित्त मानसीनं चाहत्यांसोबत एक खास व्हिडिओ शेयर केला आहे.
या शेयर केलेल्या व्हिडिओत तिने काळ्या रंगाची साडी परिधान केली असून तिने लावणीचा पुर्ण लूक कॅरी केला आहे. या व्हिडिओत तिने श्रीदेवीच्या प्रसिद्ध चित्रपट ‘नगिना’ मधील ‘मैं तेरी दुश्मन, दुश्मन तू मेरा’ या गाण्यावर भन्नाट डान्स केला आहे.
या पोस्टच्या कॅप्शनमध्ये तिने सर्वांना नागपंचमीच्या शुभेच्छा दिल्या आहेत. तिने हा व्हिडिओ 2022 साली 31तारखेला मुलांसोबत शूट केला असल्याचं तिने सांगितले.
तिचा हा व्हिडिओ सोशल मीडियावर व्हायरल झाला आहे. नेटकरी तिच्या व्हिडिओला भन्नाट कमेंटही करत आहे.
मानसी ही उत्तम नृत्यांगणा आहे. ‘बघतोय रिक्षावाला’ ‘बाई वाड्यावर’ या अनेक हिट गाण्यांमुळे तिला वेगळीच ओळख मिळाली. तिचा अभिनयही प्रेक्षकांना भुरळ घालतो.सोशल मीडियावर मानसीचा चाहतावर्ग मोठा आहे. इंस्टावर तिला फॉलो करणाऱ्यांची संख्याही मोठी आहे.
काही दिवसांपुर्वी ती तिच्या वैयक्तिक आयुष्यामुळे चर्चेत आली होती. मानसीने प्रदीपसोबत लग्न केलं. मात्र अवघ्या दीड वर्षात त्यांचा घटस्फोट झाला. आता मानसी तिच्या आयुष्यात पुन्हा रमली आहे. तिने आपल्या कामावर लक्ष केंद्रित केले आहे. ती तिच्या आगामी प्रोजेक्टमध्ये व्यस्त आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.