Nawazuddin Siddiqui : बॉलीवूडमध्ये आपल्या अभिनयानं प्रेक्षकांच्या मनात घर करुन असणारा अभिनेता म्हणून नवाझुद्दीनचे नाव घ्यावे लागेल. मोठ्या संघर्षातून स्वताची वेगळी वाट तयार करणाऱ्या नवाझुद्दीनच्या घरात आता वाद तयार झाल्याचे दिसून आले आहे. सोशल मीडियावर तो वाद व्हायरल झाला आहे.

एएनआयनं जे ट्विट केले आहे त्यातून नवाझुद्दीनच्या चाहत्यांना मोठा धक्का बसला आहे. नवाझुद्दीनच्या आईनं मेहरुन्निसा सिद्धिकी यांनी आपली सून झैनाबच्या विरोधात पोलिसांकडे तक्रार केली आहे. बऱ्याच दिवसांपासून त्यांच्यात जमिनीच्या वादानं आता थेट पोलिस ठाण्यापर्यत धाव घेतली आहे.

सासूच्या तक्रारीनंतर आता वर्सोवा पोलिसांनी नवाझुद्दीनच्या पत्नीला चौकशीसाठी बोलवण्यात आल्याचे सांगण्यात आले आहे.

सुत्रांनी दिलेल्या माहितीनुसार, बऱ्याच दिवसांपासून नवाझुद्दीच्या घरातमध्ये मोठ्या वादाला सुरुवात झाली आहे. तो वाद त्याची पत्नी झैनाब उर्फ आलिया आणि त्याची आई मेहरुन्निसा यांच्यात आहे.

वर्सोवा पोलिस ठाण्यामध्ये कलम ४५२, ३२३ आणि ५०४ अंतर्गत गुन्हा दाखल करण्यात आला आहे. झैनाब ही नवाझुद्दीनची दुसरी पत्नी आहे.