मुंबई - टोकियो ऑलिम्पिकमध्ये भालाफेक क्रीडाप्रकारात सुवर्णपदक मिळवलेल्या नीरज चोप्रावर कौतूकाचा वर्षाव झाला. तो अजूनही सुरु आहे. त्यानंतर सोशल मीडियावरुनही त्याला मोठ्या प्रमाणावर लोकप्रियता मिळाल्याचे दिसून आले होते. आताही तो वेगवेगळ्या रियॅलिटी शो मध्ये सहभागी झाल्याचे दिसुन आले आहे. सध्या त्याच्या एका रियॅलिटी शो मधील प्रपोजची गोष्ट व्हायरल झाली आहे. त्यामुळे तो चर्चेत आला आहे. यापूर्वी तो त्याच्या एका जाहिरातीमुळे फेमस झाला होता. त्यात त्यानं वेगवेगळ्या प्रकारच्या पाच भूमिका केल्या होत्या. तेव्हा आता नीरज बॉलीवूडच्या अभिनेत्यांना आव्हान देण्यासाठी येतो आहे. अशाप्रकारच्या प्रतिक्रियाही सोशल मीडियातून उमटल्याचे दिसून आले आहे. त्या शो मध्ये अनेक गंमतीशीर प्रकार पाहायला मिळाले आहे. नीरजचं प्रपोज हिट झालं आहे.

डान्सिंग शोच्या सहाव्या पर्वामध्ये नीरजनं हजेरी लावली होती. त्यावेळी त्यानं केलेल्या हटक्या अॅक्शनला प्रेक्षकांनी दाद दिली आहे. सध्या इंटरनेटवर नीरजच्या नावाचा बोलबाला आहे. नीरजनं चक्क त्या शो च्या जजलाच प्रपोज केलं होतं. नीरज हा बॉलीवू़डमधल्या मुव्हीजचा मोठा फॅन आहे. एका मुलाखतीमध्ये त्याला विचारणा झाली होती की, त्याच्यावर जर बायोपिकची निर्मिती झाली तर त्याला आपली भूमिका कोणत्या अभिनेत्यानं केली तर आवडेल, या प्रश्नावर त्यानं अक्षय कुमारचं नाव घेतलं होतं. आपल्या भूमिकेला न्याय देण्याची क्षमता त्या कलाकारामध्ये आहे. अशी प्रतिक्रिया नीरजनं त्यावेळी दिली होती.

नीरजचा जो व्हिडिओ व्हायरल झाला आहे त्यात त्यानं शक्ति मोहनला प्रपोज केलं आहे. यापूर्वी राघवनं शक्तिबद्दलच्या आपल्या भावना व्यक्त केल्या होत्या. त्याच्या प्रयत्नांना यश न आल्यानं नीरजनं तिला प्रपोझ केलं आहे. शक्तिनं देखील नीरजला आपल्याला प्रपोझ करावं अशी मागणी सर्वांसमोर केली होती. त्याला नीरजनं प्रतिसाद देत तिला प्रपोज केलं. त्या प्रसंगाला प्रेक्षकांनी मनपूर्वक दाद दिल्याचे दिसून आले आहे. जेव्हा नीरज शक्तिला प्रपोज करायला गेला तेव्हा शक्ति तिला आपला हात पकडून प्रपोज करायला सांगते. हा व्हिडिओ सोशल मीडियावर मोठ्या प्रमाणात व्हायरल झाला आहे. त्याला चाहत्यांचा मोठ्या प्रमाणावर प्रतिसादही मिळाला आहे.