Salman Khan - Shah Rukh Khan News: आपल्या सर्वांना हे माहितच आहे की, सलमान खान आणि शाहरुख खान हे त्यांच्या सिनेमांच्या रिलीज डेट बाबतीत कायम सतर्क असतात.
२०२३ मध्ये सलमानने दिवाळीत 'टायगर 3' रिलीज केला होता. तर शाहरुखने सुद्धा ख्रिसमस आणि सणासुदीचं औचित्य साधून 'पठाण', 'जवान', 'डंकी' रिलीज केले होते. हे दोन्ही खान ईद - दिवाळीच्या दिवशी प्रत्येक वर्षी त्यांचे बिग बजेट सिनेमे रिलीज करत असतात. पण यंदा २०२४ मध्ये असं होणार नाही.
गेल्या वर्षी, सलमान खानने दिवाळीला त्याचा ‘टायगर ३’ आणि ईदला ‘किसी का भाई किसी की जान’ हे चित्रपट प्रदर्शित केले होते. तर शाहरुखने प्रजासत्ताक दिनी ‘पठाण’ आणि ख्रिसमसच्या दिवशी ‘डंकी’ हे दोन चित्रपट रिलीज केले होते. मात्र यंदा सलमान - शाहरुख खान दोघेही ईद आणि दिवाळीच्या तारखा वगळणार आहेत.
दोन्ही खान यावर्षी आगामी चित्रपटांच्या शूटिंगमध्ये व्यस्त असणार आहेत. सलमान खान लवकरच 'शेरशाह' फेम विष्णू वर्धन दिग्दर्शित 'द बुल'साठी काम करण्यास सुरुवात करेल. आणि शाहरुख मार्च किंवा एप्रिलमध्ये त्याच्या शीर्षक नसलेल्या आगामी प्रोजेक्टच्या शूटिंगला सुरूवात करेल. यामुळे या वर्षी २०२४ मध्ये या दोघांचे कोणतेही सिनेमे रिलीज होणार नाहीत.
सलमान - शाहरुखचे कोणतेही सिनेमे रिलीज नसताना यावर्षी ईद - दिवाळीत अक्षय कुमार, अजय देवगण आणि इतर कलाकार त्यांचे चित्रपट प्रदर्शित करणार आहेत.
यंदाच्या ईदवर अक्षय कुमार आणि टायगर श्रॉफचा 'बडे मियाँ छोटे मियाँ' हा चित्रपट येणार आहे. हा चित्रपट 2024 मध्ये ईदला थिएटरमध्ये दाखल होणार आहे. सर्वांना या सिनेमाची उत्सुकता आहे.
याशिवाय कार्तिक आर्यन आणि कबीर खान एका खेळाडूची जीवन कथा सर्वांसमोर आणणार आहेत. या सिनेमाचं नाव 'चंदू चॅम्पियन'. हा चित्रपट 2024 च्या ईदच्या मुहूर्तावर 14 जून रोजी प्रदर्शित होणार आहे.
दुसरीकडे, अजय देवगण त्याचा बहुप्रतिक्षित चित्रपट 'सिंघम अगेन' १५ ऑगस्ट स्वातंत्र्यदिनी प्रदर्शित करणार आहे. याशिवाय कार्तिक आर्यनचा 'भूल भुलैया 3' 2024 मध्ये दिवाळीला प्रदर्शित होणार आहे. लाँग वीकेंड असल्याने या दिवाळीत अनेक चित्रपटांची घोषणा होण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.