Pankhuri-Gautam Blessed With Twins: टीव्हीवरील लोकप्रिय जोडपे गौतम रोडे आणि अभिनेत्री पंखुरी अवस्थी यांनी चाहत्यांना गोड बातमी दिली आहे. गौतम आणि पंखुरी आई-वडील झाले आहेत.
गौतम रोडे आणि पंखुरी अवस्थी हे टीव्हीवरील सर्वात लोकप्रिय जोडपे आहेत. त्याच्या घरी आता आनंदाचं वातावरण आहे. गौतम आणि पंखुरी यांना एक मुलगा आणि एक मुलगी झाली आहे.
बुधवारी सकाळी यादोघांनी ही गोड बातमी सोशल मीडियावर शेअर केली. तेव्हापासून सर्व सेलेब्स आणि चाहते पंखुरी आणि गौतमला दोन नवीन छोटे पाहुणे आल्याच्या शुभेच्छा देत आहेत
गौतमने याबाबत पोस्ट शेयर केली होती. यात ट्वाईस ब्लेस्ड. त्यांना एक मुलगा आणि एक मुलगी झाल्याचे सांगितले. 25 जुलैला पंखुरीने जुळ्या मुलांना जन्म दिला आहे.
जोडप्याने एका दिवसानंतर ही आनंदाची बातमी सर्वांना दिली आहे. पोस्टमध्ये जोडप्याने पुढे लिहिले की, हृदय आनंदाने आणि कृतज्ञतेने भरले आहे. त्यांच्या चार जणांच्या कुटुंबाचा प्रवास आता सुरु झाला आहे. याशिवाय त्यांनी सर्वांचे प्रेम आणि आशीर्वादाबद्दल आभारही मानले आहेत.
पंखुरी अवस्थी आणि गौतम रोडे लग्नाच्या पाच वर्षानंतर आई-वडील झाले आहेत. एका शोच्या सेटवरच दोघांची प्रेमकहाणी सुरू झाली. एकाच शोमध्ये काम करत असताना दोघांची जवळिक वाढली डेट केल्यानंतर दोघांनी लग्न केले. पंखुरी अवस्थी आणि गौतम रोडे 5 फेब्रुवारी 2018 रोजी विवाहबंधनात अडकले. त्यानंतर या वर्षी 6 एप्रिल रोजी दोघांनीही पालक होणार अशी घोषणा केली होती.
पंखुरीने 'ये रिश्ता क्या कहलाता है' आणि 'मॅडम सर' सारख्या टीव्ही शोमध्ये काम केले आहे. तर गौतम हा सरसस्वती चंद्र आणि बऱ्याच मालिकांसाठी लोकप्रिय आहे. त्याने चित्रपटात देखील अभिनय केला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.