Pakistani singer Ali Sethi breaks silence on wedding rumours with Salman Toor: 'पसूरी' या लोकप्रिय पाकिस्तानी गाण्याने भारतात देखील जादू पसरवली. या गाण्याची क्रेझ तरुणाईमध्ये खुप मोठ्या प्रमाणात होती. या गाण्याचा गायक अली सेठी याचं देखील खुप कौतुक करण्यात आलं होतं.

त्यातच अचानक प्रसिद्ध गायक अली सेठी पुन्हा चर्चेत आला आणि त्यामागचं कारण अलीचं कोणतेही हिट गाणं नसून त्याच्या लग्नाची बातमी होती. त्याने लग्न केलं अशा चर्चा वेगाने पसरल्या आहेत

त्याने न्यूयॉर्कमध्ये सह कलाकार सलमान तूर सोबत समलैंगिक विवाह केल्याच्या बातम्या समोर आल्या होत्या. त्यानंतर सगळीकडे विशेषतः पाकिस्तानात खळबळ उडाली होती. त्याला ट्रोल केलं जावू लागलं मात्र आता वाढता विरोध आणि ट्रोलिंगमुळे सिंगरने आता सोशल मीडियावरील पोस्ट शेयर करत या बातमीवर प्रतिक्रिया दिली आहे.

गायक अली सेठीने त्याच्या इंस्टाग्राम स्टोरीवर एक पोस्ट शेअर करत त्याच्या चाहत्यांना आणि नेटकऱ्यांना याबद्दल माहिती दिली. त्यानं स्टोरीत लिहिलं की, 'मी अजून लग्न केलेले नाही. ही अफवा कोणी पसरवली आहे हे मला माहीत नाही. या पोस्टबरोबरच त्याने अनेक अफवा पसरवणाऱ्या लोकांना मौन केलं आहे.(Latest Marathi News)

अली सेठी बद्दल बोलायचं झालं तर तो एक लोकप्रिय गायक, गीतकार, संगीतकार आहे त्याचबरोबर त्याने अनेक गाणी लिहिली देखील आहेत. त्याची गाणी केवळ पाकिस्तानातच नव्हे तर भारताबरोबर एतर देशांतही लोकप्रिय आहेत.

अली सेठी याआधीही लैंगिकतेविषयी खळबळजनक खुलासा केला होता आणि समलैंगिकतेबद्दल देखील त्याने वक्तव्य केली आहेत. त्यामुळे आता या बातमीने अनेकांनी अलीला सेठीला ट्रोल केलं. यावर अलीनं लग्न न केल्याचा खुलासा केला आहे.

तर अलीनं कोणाशी लग्न केलं आहे याच्याही चर्चा रंगल्या होत्या. तो व्यक्ती आहे त्याचा जवळचा मित्र सलमान तूर. सलमान हा पाकिस्तानात जन्मलेला आहे मात्र आता तो न्यूयॉर्कमध्ये राहतो. तो एक अमेरिकन चित्रकार आहे.