Pathaan Shah Rukh Khan Bollywood Actor Dubai Pramotion : बॉलीवूडचा किंग खान शाहरुखचा पठाण हा पुढील आठवड्यात प्रदर्शित होतो आहे. २५ जानेवारीला तो प्रेक्षकांच्या भेटीला येणार आहे. गेल्या काही महिन्यांपासून शाहरुखचा पठाण हा चर्चेत आला आहे. त्यावर सोशल मीडियावरुन नेटकऱ्यांनी नाराजी देखील व्यक्त केली आहे.

काही दिवसांपूर्वी पठाण चित्रपटावरुन वाद सुरु झाला होता. त्यामध्ये दीपिकानं परिधान केलेली भगव्या रंगाची बिकीनी ही नेटकऱ्यांना खटकली होती. त्यावरुन धार्मिक भावना दुखावल्या गेल्या होत्या. काही झालं तरी हा चित्रपट प्रदर्शित होऊ देणार नाही अशी भूमिका काही हिंदू संघटना तर अनेक राजकीय पक्षांनी घेतली होती. शाहरुखला जीवे मारण्याची धमकीही दिली होती.

Also Read - शेअर बाजारात सततचे लाॅसेस? मग यापैकी कुठली चूक होतेय? घ्या जाणून

शाहरुखनं सोशल मीडियावर चाहत्यांना आवाहन केले होते की, आजकाल वेगळ्या प्रकारची नॅरेटिव्ह तयार करुन त्याचा प्रचार आणि प्रसार करण्याचे काम केले जात आहे. माझ्या चित्रपटावर जी टीका होत आहे त्यात काय खरं आणि काय खोटं हे लोकांनी चित्रपट पाहून ठरवावं. त्यामुळे सोशल मीडियानं लोकांच्या मनाचा ताबा घेतला आहे. तेच सगळं ठरवतात की काय असा प्रश्न किंग खाननं उपस्थित केला होता.

यासगळ्यात शाहरुख त्याच्या चित्रपटाचे प्रमोशन सोडून भारतात नव्हे तर दुबईमध्ये करत असल्याचे दिसून आले आहे. सोशल मीडियावर त्याचा एक व्हिडिओ व्हायरल झाला आहे. त्यामध्ये तो दुबईमध्ये प्रमोशन करत असल्याचे दिसत आहे. यावेळी त्याच्या चित्रपटातील झुमे जो पठाण गाण्यावर नागरिक नाचत असल्याचे त्या व्हिडिओमध्ये दिसत आहे.

सोशल मीडियावर किंग खानच्या त्या व्हिडिओवर प्रचंड लाईक्स आणि व्ह्युज आले आहेत. दुसरीकडे त्याला ट्रोल देखील करण्यात आले आहे. एकानं तर शाहरुखवर काय वेळ आली आहे, त्याला त्याच्या चित्रपटाचे प्रमोशन भारतात नव्हे तर दुबईत करावे लागत आहे. दुसऱ्यानं तर शाहरुखसाठी हा प्रवास काही सोपा असणार नाही. असे म्हटले आहे.