Prathamesh Laghate - Mugdha Vaishampayan Wedding: प्रथमेश लघाटे - मुग्धा वैशंपायन यांच्या लग्नाची अनेकांना उत्सुकता होती. अखेर प्रथमेश - मुग्धाने आज थाटामाटात एकमेकांशी लग्न केलंय.
नातेवाईक आणि मित्रमैत्रीणींच्या उपस्थितीत प्रथमेश - मुग्धाने एकमेकांशी लग्न केलंय. या दोघांच्या लग्नाचे फोटो - व्हिडीओ चांगलेच व्हायरल झाले आहेत.
प्रथमेश - मुग्धाने एकमेकांसोबत थाटामाटात लग्न केलं. सूत्रांच्या माहितीनुसार चिपळुणमध्ये या दोघांनी एकमेकांशी लग्न केलं. प्रथमेश चिपळूण, रत्नागिरीला राहणारा असून त्याच्या गावी हे लग्न झाल्याचं बोललं जात आहे.
प्रथमेशने लग्नाच्यावेळी लाल रंगाचा कुर्ता, खांद्यावर उपरणं तर डोक्यावर पगडी घातली होती. तर मुग्धाने पिवळ्या - हिरव्या रंगाची शेड असलेली साडी नेसली होती.
प्रथमेश लघाटे - मुग्धा वैशंपायन या दोघांनी काल त्यांच्या इन्स्टाग्रामवर शेअर केलेले हळदीचे फोटो शेअर केले होते. "हरिद्रा लापन । मांगलिक स्नान" असं कॅप्शन देत प्रथमेशने फोटो शेअर केलेत. तर "हरिद्रा लापन । घाणा भरणे", असं कॅप्शन देत मुग्धाने हळदीचे फोटो शेअर केलेत.
प्रथमेश - मुग्धा या दोघांच्या हळदीच्या फोटोंना त्यांच्या चाहत्यांनी पसंती दर्शवली आहे. दोघांनी पारंपरिक थाटात हळदीचा समारंभ साजरा केल्याने लोकांनी त्यांच्यावर कौतुकाचा वर्षाव केलाय.
प्रथमेश लघाटे आणि मुग्धा वैशंपायन यांनी काही दिवसांपूर्वी त्यांच्या सोशल मीडियावर पोस्ट करुन साखरपुड्याची घोषणा केली होती.
'वाङ्निश्चय' असं कॅप्शन देऊन प्रथमेश - मुग्धाने फोटो शेअर केलेत. हे फोटो बघताच या दोघांनी गुपचुप साखरपुडा केल्याची चर्चा सोशल मीडियावर रंगली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.