Preity Zinta Father In Law Death: अभिनेत्री प्रीती झिंटा आता बॉलीवूडमध्ये फारशी सक्रिय नाही. तरी ती सोशल मीडियावर पोस्ट शेयर करत असते. त्यामुळे तिची चर्चा होत असते.

मात्र आता प्रीतीशी संबंधित एक दुःखद बातमी समोर आली आहे. तिच्या सासऱ्यांचे निधन झाले आहे. प्रितीने सोशल मीडियावर ही दुःखद बातमी चाहत्यांसोबत शेअर केली आहे.

सासऱ्यांसोबतचा एक फोटो शेयर करत तिने एक इमोशनल पोस्ट शेयर केली आहे. त्यात ती लिहिते की, “प्रिय जॉन, मला तुझी तळमळ, दयाळूपणा आणि सर्वात महत्त्वाचा तुझा शहाणपण आठवेल. तुझ्यासोबत शूट करायला जायला, तुझे आवडते भारतीय पदार्थ बनवायला आणि तूझ्यासोबत गप्पा मारायला मला खूप आवडायचं. माझ्यासाठी आणि माझ्या कुटुंबासाठी तुमचं घर आणि हृदयाचे दरवाजे उघडल्याबद्दल तुमचे खूप खूप आभार. तुमच्याशिवाय ईस्ट कोस्ट पूर्वीसारखा राहणार नाही. तुमच्या आत्म्याला शांती लाभो."

90 च्या दशकात चाहत्यांच्या मनावर राज्य करणाऱ्या प्रीतीने 1998 मध्ये 'दिल से' मधून पदार्पण केले. 2008 मध्ये कॅनेडियन चित्रपट 'हेवन ऑन अर्थ' मध्ये काम केल्यानंतर तिने चित्रपटांमधून दोन वर्षांचा ब्रेक घेतला.

तिने 2016 मध्ये लॉस एंजेलिसमध्ये जीन गुडइनफशी लग्न केले. लग्नानंतर प्रीती लॉस एंजेलिसमध्ये राहायला गेली. 2021 मध्ये, हे जोडपे सरोगसीद्वारे जुळ्या मुलांचे पालक झाले. त्यांना एक मुलगा आणि एक मुलगी आहे.