Priyadarshini Indalkar News: महाराष्ट्राची हास्यजत्रामधील लोकप्रिय अभिनेत्री म्हणजे प्रियदर्शनी इंदलकर. पुण्याची विनम्र अभिनेत्री म्हणुन प्रियदर्शनीची ओळख सांगितली जाते.

प्रियदर्शनी सोशल मीडियावर कमालीची सक्रीय आहे. प्रियदर्शनीने एक पोस्ट केलीय त्यामुळे तिचं लग्न ठरलंय की काय अशा चर्चांना उधाण केलंय. काय आहे ही पोस्ट? बघूया.

प्रियदर्शनी म्हणते लग्नाला ६० दिवस बाकी

प्रियदर्शनी इंदलकरने सोशल मीडियावर एक पोस्ट केलीय. या पोस्टमध्ये लग्नाला ६० दिवस बाकी असं लिहीण्यात आलंय. प्रियदर्शनीच्या नवीन पोस्टने चर्चांना उधाण आलंय. प्रियदर्शनी लवकरच लग्नाचा बार उडवणार का? असं बोललं जातंय.

पण प्रियदर्शनी खऱ्या आयुष्यात लग्न करणार नसुन तिच्या आगामी नाटक किंवा सिनेमाची ही हटके घोषणा करण्यात आल्याचं सांगण्यात येतंय.

या महिन्यात येणार भेटीला येणार प्रियदर्शनीचा आगामी प्रोजेक्ट

प्रियदर्शनीने या पोस्टखाली #नवरदेव #जानेवारी2024 असे हॅशटॅग वापरले आहेत. त्यामुळे प्रियदर्शनीचा हा नवीन प्रोजेक्ट जानेवारी २०२४ ला प्रेक्षकांच्या भेटीला येणार अशी चर्चा आहे.

प्रियदर्शनीच्या वर्कफ्रंटबद्दल बोलायचं तर, सध्या ती महाराष्ट्राची हास्यजत्रामध्ये झळकतेय. याशिवाय नुकत्याच रिलीज झालेल्या शांतीत क्रांती २ मध्ये प्रियदर्शनी झळकली.