Rahul Vaidya trolled: टीव्ही मनोरंजन विश्वामध्ये काही रियॅलिटी शो ने प्रेक्षकांना जिंकून घेतले होते. त्यामध्ये इंडियन आयडॉलच्या नावाचा उल्लेख करावा लागेल. या मालिकेच्या पहिल्या पर्वाला जो प्रेक्षकांचा प्रतिसाद मिळाला होता अभुतपूर्व असाच म्हणावा लागेल. अभिजित सावंत या पहिल्या सीझनचा विजेता झाला होता. त्याच्या जोडीला असणाऱ्या अमित साना, राहुल वैद्य, प्राजक्ता शुक्रे यांनी देखील चमकदार कामगिरी केली होती.

आता यासगळ्यात राहुल हा नेहमीच सोशल मीडियावर व्हायरल होणारा सेलिब्रेटी आहे. तो त्याच्या वेगवेगळ्या स्टाईलमुळे चर्चेत येत असतो. एका नेटकऱ्यानं राहुलची हेटाळणी केल्यानं राहुल कमालीचा संतापल्याचे दिसून आले आहे. त्या नेटकऱ्यानं राहुलला तू फक्त लग्नात गाणारा गायक आहे. अशा शब्दांत त्याच्यावर टीका केल्याचे दिसून आले आहे. हे सगळं ऐकून घेईल तर तो राहुल कसला, त्यानं देखील नेटकऱ्याला जशास तसे उत्तर दिले आहे.

इंडियन आयडॉल नंतर राहुल चर्चेत आला. त्या मालिकेनं त्याला ग्लॅमर मिळवून दिलं. प्रसिद्धीच्या शिखरावर तो जाऊन पोहचला. त्यानंतर तो बिग बॉस नावाच्या रियॅलिटी शो मध्ये देखील सहभागी झाला होता. प्रेक्षकांचा आणि नेटकऱ्यांचा राहुलला मोठा प्रतिसाद मिळाला होता. बिग बॉसचा विजेता राहुल होईल अशी अनेकांना आशा होती. मात्र तसे काही झाले नाही. तेजस्वी प्रकाश त्या सीझनची विजेती झाली होती. त्यानंतर राहुलच्या लग्नाची चर्चा रंगली. अशा वेगवेगळ्या कारणामुळे राहुल हा चर्चेत राहिला आहे.

आपल्या परखड वक्तव्यासाठी राहुल नेहमीच ओळखला गेला आहे. त्यामुळे की काय त्याला एका नेटकऱ्यानं शेलकी प्रतिक्रिया दिली आहे. त्यात तू आता फक्त लग्नात गाणारा गायक आहे. अशा शब्दांत त्याच्यावर टीका केली आहे. ही टीका राहुलच्या चांगल्याच जिव्हारी लागली आहे. त्यानं देखील त्या नेटकऱ्याला जशास तसे उत्तर दिले आहे. राहुल त्याला म्हणतो, तुझं लग्न झाले आहे का, काळजी करु नकोस, मला तुझ्या लग्नात गायला बोलावणं हे तुला परवणारे नाही. सोशल मीडियावर हे ट्विट चर्चेत आले आहे.