Raj Kundra Shilpa Shetty Husband Bollywood Movie : बॉलीवूडची प्रसिद्ध अभिनेत्री शिल्पा शेट्टी ही तिच्या फिटनेसमुळे सोशल मीडियावर चाहत्यांच्या चर्चेचा विषय असते. आज सोशल मीडियावर सर्वाधिक लोकप्रिय सेलिब्रेटी म्हणून शिल्पाचे नाव घ्यावे लागेल. वयाची चाळीशी ओलांडलेल्या शिल्पानं तिच्या फिटनेसनं चाहत्यांचे लक्ष वेधून घेतले आहे.

बॉलीवूडपासून काही काळ लांब असलेल्या शिल्पानं वेगवेगळ्या रियॅल्टी शो मधून आपली छाप उमटवली होती. गेल्या काही वर्षांपासून लोकप्रियतेच्या शिखरावर असणाऱ्या शिल्पासाठी तो काळ मात्र खूपच वेदनादायी होता. ज्यात तिच्या पतीला राज कुंद्राला अश्लील चित्रपट तयार करणे आणि त्या परदेशात प्रदर्शित करण्यासाठी अटक करण्यात आली होती. त्याला दोन महिन्याचा तुरुंगवासही ठोठावण्यात आला होता.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

या घटनेचे मोठे पडसाद शिल्पाच्या वैवाहिक आयुष्यावर उमटले होते. ती घटस्फोट घेणार की काय अशाही चर्चाही समोर आल्या होत्या. शिल्पानं सोशल मीडियाच्या माध्यमातून चाहत्यांची माफी मागून याप्रकरणात आपल्यावर प्रतिक्रिया देताना थोडी काळजी घ्यावी, संयम बाळगावा, झाल्या प्रकरणात आपली काही चूक नाही. असे सांगितले होते. आता शिल्पाच्या बाबत आणखी एक मोठी बातमी समोर आली आहे.

राज कुंद्रावर आता चित्रपट येणार असून त्यात तो स्वता मुख्य भूमिकेत दिसणार असल्याची माहिती सुत्रांनी दिली आहे.दोन वर्षांपूर्वी राजला मुंबई पोलिसांनी अटक केली होती. त्यानंतर त्याची रवानगी मुंबईच्या ऑर्थर रोड जेलमध्ये करण्यात आली होती. राज हा सध्या जामिनावर तुरुंगाबाहेर असून त्याच्यावरील याचिकेची सुनावणी अद्याप कोर्टात सुरु आहे. त्या प्रकरणापासून राज सोशल मीडियावर प्रचंड चर्चेत आलेला सेलिब्रेटी होता.

राजवर हॉटशॉट्स नावाच्या अॅपवर अश्लील चित्रपटांची निर्मिती आणि त्याचे वितरण याचा आरोप करण्यात आला होता. याप्रकरणावर राजनं काही दिवसांपूर्वी प्रतिक्रिया दिली होती. तो म्हणाला होता, एक वर्षापूर्वी मी जेलमधून बाहेर आलो होतो. मला माहिती आहे की, माझ्यासोबत न्याय होईल आणि याप्रकरणातून मी निर्दोष बाहेर सुटेल. त्यावर त्याला नेटकऱ्यांनी दिलेल्या प्रतिक्रिया खूप काही सांगून जाणाऱ्या होत्या.

पिंकव्हिलानं दिलेल्या माहितीनुसार, राज कुंद्राच्या त्या ६३ दिवसांवर चित्रपट निर्मिती करण्यात येणार आहे. माझ्यासोबत जे काही झाले ते या चित्रपटाच्या माध्यमातून दाखवण्याचा प्रयत्न केला जाणार आहे. राज स्वत या चित्रपटामध्ये मुख्य भूमिकेत दिसणार आहे.