Raj Singh Musician Death : प्रसिद्ध पंजाबी संगीतकार राज सिंगची गुरुव्दाराबाहेरच हत्या झाल्याची धक्कदायक घटना समोर आली आहे. अमेरिकेतील या घटनेनं आता वेगळ्याच चर्चेला सुरुवात झाली आहे. २९ वर्षी राज हा शिख किर्तन ग्रुपचा सदस्य होता. अद्याप त्याच्या हत्येचे कारण समोर आलेले नाही.

अमेरिकेतील अल्बामा मध्ये असणाऱ्या एका गुरुद्वारेच्या बाहेरच हे हत्याकांड झाल्याची प्राथमिक माहिती आहे. टाईम्स ऑफ इंडियानं याबाबत सविस्तर माहिती दिली आहे. राज हा गेल्या दीड वर्षांपासून अमेरिकेमध्ये राहत होता. याच महिन्यात आणखी एका घटनेनं खळबळ उडाली होती. ती म्हणजे अमेरिकेत राहणाऱ्या ७६ वर्षीय गुजराती वंशाच्या ज्येष्ठ नागरिकाची हत्या करण्यात आली होती.

राजच्या हत्येच्या बातमीनं परिसरातून हळहळ व्यक्त करण्यात येत आहे. त्याच्या कुटूंबियांनी आता पोलिसांकडे या घटनेचा तातडीनं तपास करुन दोषींना अटक करण्यात यावी. अशी मागणी केली आहे. एवढेच नाही तर त्यांनी मोदींना देखील पत्र लिहून त्यात राजचा अंत्यविधी भारतात करण्याची परवानगी मिळावी. असे म्हटले आहे.

राजविषयी सांगायचे झाल्यास तो गोल्डी या नावानं प्रसिद्ध होता. परिसरात रागी या नावानं देखील तो परिचित होता. तो मुळचा उत्तर प्रदेशातील बिजनोर जिल्ह्यातील तांडा साहुवाला गावचा. गेल्या काही दिवसांपासून तो किर्तन ग्रुपचा सदस्य म्हणून ओळखला जात होता. २४ फेब्रुवारी रोजी तो गुरुद्वारा समोर उभा होता. त्याचवेळी काही अज्ञातांनी तिथं येऊन त्याच्यावर हल्ला केला.

अज्ञातांनी राजवर जीवघेणा हल्ला करत त्याच्या पोटावर धारदार शस्त्रानं वार केले. त्यात त्याचा मृत्यू झाला. नॅशनल डेलीनं त्याबाबत माहिती दिली आहे. या प्रकरणाचा पोलिसांकडून तपास सुरु आहे.