Amitabh Bachchan and Rajinikanth to reunite: मनोरंजन विश्वातील असे सुपरस्टार ज्यांनी आपल्या अभिनयाने गेली अनेक दशक प्रेक्षकांचे मनोरंजन केले आहे. त्यात पहिलं नाव आहे बॉलिवूड शहंशाह अमिताभ बच्चन आणि दुसरं नाव आहे साउथस्टार रजनीकांत.

दोन्ही कलाकारांच्या चाहत्यांची संख्या काही कमी नाही. चाहते त्यांच्या सिनेमांची आतुरतेने वाट पाहत असतात. तब्बल 33 वर्षानंतर रजनीकांत आणि अमिताभ बच्चन एका सिनेमातून प्रेक्षकांच्या भेटीला येणार आहेत.

थलायवा रजनीकांत आणि अमिताभ बच्चन त्यांच्या आगामी 'थलाईवर 170' या चित्रपटामुळे चर्चेत आहेत. चित्रपटात दोन्ही कलाकारांची जोडी पुन्हा एकदा मोठ्या पडद्यावर येणार आहे. आता रजनीकांत यांनी अमिताभ बच्चन यांच्यासोबतचा एक फोटो सोशल मिडियावर शेअर केले आहे.

या पोस्टद्वारे सुपरस्टार रजनीकांत यांनी अमिताभ यांच्यासोबत काम केल्याचा आनंद व्यक्त केला आहे. माझे हृदय आनंदाने नाचत असल्याचे त्यांनी या पोस्टमध्ये लिहिले आहे.

फोटो पोस्ट करत रजनीकांत लिहितात की, '33 वर्षांनंतर मी माझे गुरु श्री अमिताभ बच्चन यांच्यासोबत टीजे ज्ञानवेल दिग्दर्शित लायकाच्या आगामी 'थलाईवर 170' या चित्रपटात पुन्हा काम करत आहे. माझे हृदय आनंदाने धडधडत आहे.'

चित्रपटाच्या शूटिंगसाठी रजनीकांत मुंबईत पोहोचले आहेत. अमिताभही त्यांच्यासोबत शुट करणार आहेत.

टीजे ज्ञानवेलचा हा चित्रपट एका सत्य घटनेवर आधारित आहे. यात रजनीकांत मुस्लिम पोलीस अधिकाऱ्याची भुमिका साकारणार आहेत.

अमिताभ आणि रजनीकांत यापूर्वी 1991 मध्ये आलेल्या 'हम' चित्रपटात एकत्र काम केले होते. याशिवाय अमिताभ-रजनीकांत यांनी 'गिरफ्तार' चित्रपटातही काम केले आहे. आता या दोन्ही सुपस्टारची जोडी पुन्हा मोठ्या पडद्यावर पाहण्यासाठी चाहते उत्सुक आहेत.