प्रेमाचा खास दिवस म्हणजेच व्हॅलेंटाईन डे आज जगभरात साजरा केला जात आहे. या खास दिवशी, प्रत्येकजण आपल्या जोडीदारांना खास पद्धतीने व्हॅलेंटाईन डेच्या शुभेच्छा देत आहे आणि त्यांच्यावर प्रेमाचा वर्षाव करत आहे.

आता अशा परिस्थितीत बॉलिवूड इंडस्ट्रीतील सेलिब्रिटी कसे मागे राहतील. व्हॅलेंटाईन डेच्या दिवशी, अनेक बॉलिवूड सेलिब्रिटींनी त्यांच्या जोडीदारांना सोशल मीडियावर या खास प्रेमाच्या दिवशी रोमँटिक पद्धतीने शुभेच्छा दिल्या आहेत.

बॉलीवूडचा दमदार अभिनेता राजकुमार राव याने व्हॅलेंटाईन डेनिमित्त त्याच्या अधिकृत इंस्टाग्राम हँडलवर एक खास पोस्ट शेअर केली आहे. या पोस्टमध्ये राजकुमार रावने त्याची लेडी लव्ह पत्रलेखाचे फोटो शेअर करून व्हॅलेंटाईन डेच्या शुभेच्छा दिल्या आहेत. तसेच एक खास कॅप्शन देखील दिले आहे.

राजकुमारशिवाय बी-टाऊनची प्रसिद्ध अभिनेत्री शिल्पा शेट्टीनेही तिचा नवरा राज कुंद्राला व्हॅलेंटाइन डेच्या शुभेच्छा दिल्या आहेत.

राजकुमार राव आणि शिल्पा शेट्टी व्यतिरिक्त इंडस्ट्रीत असे अनेक सेलिब्रिटी आहेत जे मनापासून व्हॅलेंटाईन डे साजरा करत आहेत. दरम्यान, ऋचा चढ्ढा, श्रुती हासन, आर माधवन, लारा दत्ता, माधुरी दीक्षित, अर्जुन रामपाल आणि सुनील शेट्टी या बॉलिवूड कलाकारांनी प्रेमाच्या या खास दिवशी आपल्या जोडीदारांवर प्रेमाचा वर्षाव केला आहे.