सध्या मनोरजंन जगतात राखी सावंतची जास्त चर्चा आहे. सोशल मिडिया उघडताच राखीचे व्हिडिओ दिसणार नाही असं होऊ शकत नाही. तिने मुंबईतील ओशिवरा पोलीस स्टेशनमध्ये तिच्या पतीविरुद्ध गुन्हा दाखल केला, त्यानंतर राखी सावंतचा पती आदिल दुर्राणी याला ओशिवरा पोलिसांनी ७ फेब्रुवारी रोजी अटक केली होती. आता त्याची कोठडीत रवानगी करण्यात आली आहे.

अनेक कलाकार राखीच्या सपोर्टमध्येही आले आहेत. मात्र सोशल मिडियावर फक्त राखीचीच बाजू दाखवली जात आहे असं नेटकऱ्याचं म्हणणं आहे. राखीने अदिलवर बरेच आरोपही केले आहेत. त्याने तिला फसवलं तिच्या कडून पैसे घेतले, त्याचे अनेक मुलींशी संबंध आहेत. तिने मिडियासमोर अनेक पुरावेही सादर केले आहेत.

आता मात्र अशी एक व्यक्ती समोर आली आहे ज्याने आदिलची बाजू घेतली आहे. ती व्यक्ती म्हणजे शर्लिन चोप्रा. शर्लिन तिचं जिने राखीवर तिच्याविषयी अश्लील शब्द वापरल्याचं आणि तिची बदनामी करण्याचा आरोप करत तिच्या विरोधात मुंबई पोलिसांकडे तक्रार दिली होती आणि त्यानंतर पोलिसांनी राखीला अटक केली होती.

आता शर्लिननं आदिलची बाजू घेत म्हटलं की, 'आदिल बद्दल मी इतक तर सांगू शकते की, तो मला खुप समजूतदार वाटला. त्याला मी जेव्हा त्याला भेटले तेव्हा मी त्याला बोललेही की तु असा कसा फसला या सर्व प्रकरणात..त्याला मी माझा भाऊ मानते. त्यामुळे त्याच्याबद्दल ऐकल्यावर वाईट वाटतयं. या संपूर्ण प्रकरणामध्ये तो कसे अडकला आणि हेडलाइन बनवण्यासाठी या लोकांनी एकमेकांशी भांडणे किंवा त्यांच्या नात्याची खिल्ली उडवणे आवश्यक नाही.तो खरचं दोषी असल्यास त्याने ते मान्य करावं नसंल तर त्याने याबाबत बोलावं.'