Rakhi Sawant Mother die: ब्रेन ट्यूमर आणि कॅन्सरसारख्या गंभीर आजारांनी ग्रस्त असलेली अभिनेत्री राखी सावंतची आई जया भेडा यांचे शनिवारी २८ जानेवारीला दुःखद निधन झाले. राखी आईच्या निधनानंतर संपूर्णपणे कोसळली आहे. अखेर नुकतंच ख्रिश्चन धर्माच्या रितीरिवाजानुसार राखीच्या आईवर अंतिमसंस्कार करण्यात आले. आईला निरोप देताना राखी सतत रडत होती. तिचा नवरा आदिल तिच्यासोबत होता. राखी आणि तिच्या कुटुंबीयांनी आईला निरोप देताना श्रद्धांजली पूर्वक गाणं गाऊन त्यांना निरोप दिला

अभिनेत्री राखी सावंत हीच्या आईचं शनिवारी प्रदीर्घ आजारानं निधन झालं. गेल्या तीन वर्षांपासून राखीची आई जया भेडा यांना कर्करोग झालेला. पुढे त्यांना ब्रेन ट्यूमरचेही निदान झाले आणि प्रकृती अधिकच खालावली. अनेक दिवसांपासून त्यांच्यावर उपचार सुरू होते, पण त्याला सकारात्मक प्रतिसाद मिळत नसल्याने अखेर शनिवारी त्यांची प्राणज्योत मालवली. राखीनं स्वतः आपल्या आईचं निधन झाल्याची माहिती दिली आहे.

राखीच्या आईचं पार्थिव अंतिम दर्शनासाठी ठेवण्यात आलेलं. फराह खान सोबत अनेक कलाकार राखीच्या आईच्या अंतिम दर्शनासाठी आलेले. राखी आईजवळ असून सातत्याने रडत होती. पुढे राखीच्या आईला पेटित ठेवण्यात आलं आणि अंतिम संस्कारांसाठी त्यांना स्मशानभूमीत नेण्यात आलं. शवपेटीवर फुलांची सजावट करण्यात आली. राखी आणि त्यांच्या कुटुंबीयांनी आईसाठी श्रद्धांजलीपर गाणं गायलं आणि शोकाकुल वातावरणात राखीने तिच्या आईला निरोप दिला

आईच्या निधनानंतर राखी सावंत सातत्याने एकच गोष्ट बोलत होती ते म्हणजे आई शिवाय माझं कुणीच नाही, आई गेली.. आता मी अनाथ झाले. किंबहुना या आधीही राखी अनेकदा हेच म्हणाली आहे, की या जगात आईशिवाय तिचं कुणीच नाही. राखीने सलमान खानचं नाव घेतलं. सलमान आणि बॉलिवूडचे अनेक कलाकारांनी राखीला या काळात इमोशनल सपोर्ट केलाय