Rakul Preet Singh And Jackky Bhagnani: अभिनेत्री रकुल प्रीत सिंह (Rakul Preet Singh) आणि अभिनेता जॅकी भगनानी (Jackky Bhagnani) यांचा विवाह सोहळा 21 फेब्रुवारी रोजी गोव्यात पार पडला.अनेक कलाकारांनी जॅकी आणि रकुल यांच्या लग्नसोहळ्याला हजेरी लावली. अशातच आता रकुल आणि जॅकी यांनी त्यांच्या लग्नसोहळ्याचा एक खास व्हिडीओ सोशल मीडियावर शेअर केला आहे. या व्हिडीओमध्ये रकुल आणि जॅकी यांच्या विवाह सोहळ्यातील खास क्षण दिसत आहे.

रकुल आणि जॅकी यांच्या विवाह सोहळ्याचे खास क्षण

रकुल आणि जॅकी यांनी शेअर केलेल्या व्हिडीओमध्ये ते दोघे सातफेरे घेताना दिसत आहेत. तसेच रकुल आणि जॅकी हे या व्हिडीओमध्ये डान्स करताना देखील दिसत आहेत. अशताच या व्हिडीओला त्यांनी कॅप्शन दिलं, "It’s not you or me , it’s US". रकुल आणि जॅकी यांच्या हळद, संगीत आणि मेहंदी सोहळ्याची झलक देखील व्हिडीओमध्ये दिसत आहेत. रकुल आणि जॅकी यांच्या या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे.

पाहा व्हिडीओ:

रकुल आणि जॅकी यांनी शेअर केलेल्या व्हिडीओच्या बॅकग्राऊंडला 'बिन तेरे' हे गाणं ऐकू येतं.

रकुल आणि जॅकी यांचा खास लूक

रकुल प्रीत सिंहने तरुण ताहिलियानीचा डिझायनर लेहेंगा लग्न सोहळ्यात परिधान केला होता, तर जॅकीनं गोल्डन आणि क्रीम कलरची शेरवानी परिधान केला होता. रकुलने कुंदन ब्राइडल ज्वेलरी देखील परिधान केली होती. दोघांच्या या लूकनं अनेकांचे लक्ष वेधले आहे.