Ramayan Fame Sita Aka Dipika Chikhlia Latest Video: टीव्ही मनोरंजन विश्वामध्ये ज्या मालिकांनी कायमच प्रेक्षकांच्या मनात घर केले त्या रामानंद सागर यांच्या रामायण मालिकांचे गारुड प्रेक्षकांच्या मनावर कायम आहे. त्या मालिकेतील कलाकारांना चाहत्यांनी देवाचा दर्जा दिला आहे. ते अभिनेते कुठेही दिसले तरी त्यांच्या पाया पडायला चाहते कमी करत नाही. अशावेळी ते अभिनेते जेव्हा सोशल मीडियावर वेगळ्या लूकमध्ये व्हिडिओ अथवा फोटोशुट करतात ते मात्र चाहत्यांच्या रागाचा विषय झाला आहे. रामायण मालिकेमध्ये दीपिका चिखलिया यांनी सीतेची भूमिका साकारली होती. त्या आता चर्चेत आल्या आहेत.

* तो लूक सोशल मीडियावर व्हायरल झाला...

दीपिकानं इंस्टावरुन तो व्हिडिओ व्हायरल करताच चाहत्यांकडून भलेही तिचं काही प्रमाणात कौतूक झालं असेल मात्र बऱ्याच जणांनी तिची खरडपट्टी काढली आहे. यापूर्वी देखील दीपिकानं जरा आऊट ऑफ बॉक्स जावून काही भूमिका करण्याचा प्रयत्न केला. मात्र त्याला नेटकऱ्यांनी स्विकारल्याचे दिसले नाही. अजुनही त्यांच्या मनात तिची प्रतिमा रामायणातील त्या महत्वाच्या व्यक्तिरेखेची आहे.

दीपिका त्या व्हिडिओमध्ये हातात दोन सँडल घेतलेली दिसते. त्या जमिनीवर टाकते. त्यानंतर अचानक तिचा ड्रेस बदलतो आणि ती एका वेगळ्या लूकमध्ये आपल्याला दिसते. तिचं हे ट्रान्सफॉर्मेशन चाहत्यांच्या प्रतिक्रियेचा विषय झाला आहे. भलेही दीपिका त्या लूकमध्ये मॉर्डन दिसत असली तरी तिचा तो लूक नेटकऱ्यांना आवडलेा नाही. आपण ज्या अभिनेत्रीला नेहमीच वेगळ्या भूमिकेतून पाहत आलो त्याच अभिनेत्रीचा हटके लूक गप्पांचा विषय झाला आहे. दीपिका शॉर्ट वन पीसमध्ये दिसते आहे.

* सीतेची भूमिका करणाऱ्या दीपिकावर नेटकरी भडकले....

रामायणामध्ये सीतेची भूमिका करणाऱ्या दीपिकानं अशाप्रकारे सोशल मीडियावर व्हिडिओ शेयर करणे हे अनेकांना आवडलेलं नाही. त्यामुळे त्यांनी तिला ट्रोल करण्यास सुरुवात केली आहे. कित्येकांनी दीपिकावर नाराजी व्यक्त केली आहे. तू रामायणात काम कऱणारी अभिनेत्री आहे हे तू शेवटपर्यत लक्षात ठेवण्याची गरज आहे. तूच जर अशाप्रकारे व्हिडिओ शेयर करायला लागलीस तर कसे होणार, असा प्रश्न नेटकऱ्यांनी दीपिकाला केला आहे. एकानं तर अरे देवा हे काय आहे असे म्हणून दीपिकाबद्दल नाराजी व्यक्त केली आहे.