Randeep-Lin Unseen Wedding Video: बॉलिवूड अभिनेता रणदीप हुड्डा आणि लिन लैश्राम यांनी 29 नोव्हेंबर रोजी लग्नगाठ बांधली. गेल्या अनेक दिवसांपासून दोघांच्या डेटिंगच्या चर्चा सुरु होत्या. त्यानंतर रणदीपने सोशल मिडियावर पोस्ट शेयर करत आपल्या लग्नाची घोषणा केली आणि अतिशय पांरपारिक पद्धतीने लिनसोबत लग्न केले.

रणदीप - लिन या दोघांनी 29 नोव्हेंबर रोजी मणिपूरमधील इंफाळ येथे त्यांच्या जवळच्या सदस्यांच्या उपस्थितीत लग्न केले. रणदीप हुडा आणि लिन लैश्राम यांनी महाभारतातील कल्पना घेऊन पौराणिक थीम असलेली लग्नाची योजना आखली होती आणि तसाच दोघांचा भव्य लग्न सोहळा देखील पार पडला.

लग्नानंतर त्यांनी रिसेप्शन पार्टीही दिली होती. सध्या दोघांचेही फोटो आणि व्हिडिओ सोशल मिडियावर व्हायरल होत आहे. जो पाहिल्यानंतर नेटकरी त्यांचे कौतुक करत आहेत.

या व्हिडिओमध्ये दोघांच्या लग्नाचे कपडे, दागिने आणि सर्व विधी चाहत्यांना पाहायला मिळतात. दोघांनीही मणिपूरमध्ये पारंपारिक पद्धतीने लग्न केले. व्हायरल होत असलेल्या या व्हिडिओला नेटकऱ्यांची खूप पसंती मिळत आहे.

या व्हायरल व्हिडिओची सुरुवात लग्नाआधीच्या समारंभात लिनने परिधान केलेले सोन्याचे दागिने आणि गुलाबी रंगाच्या साडीपासून होते. नंतर रणदीपचा लग्नाचा पोशाख दिसतो. त्यानंतर वधूचे कुटुंब रणदीपला लग्नाच्या ठिकाणी आणतात. दोघांनी आपल्या प्रथा आणि परंपरा जपत लग्नगाठ बांधल्यामुळे चाहते खुप खुश आहेत.

यासोबतच रणदीप आणि लिनने त्यांच्या इंस्टाग्रामवर काही फोटो शेअर केले होते. हे रिसेप्शनचे फोटो होते. या फोटोच्या कॅप्शनमध्ये त्यांनी लिहिले होते की, "'मी' ते 'हम' पर्यंतचे आनंदी आयुष्य." सध्या दोघांचे फोटो सोशल मिडियावर व्हायरल होत आहेत.