Rukhsar Rehman and Faruk Kabir Divorce : टीव्ही मनोरंजन विश्वातील प्रसिद्ध अभिनेत्री रुखसार रहमानच्या बाबत एक मोठी बातमी समोर आली आहे. तिनं पती फारुख कबीरसोबत घटस्फोट घेतला आहे. त्यामुळे तिच्या चाहत्यांना मोठा धक्का बसला आहे. गेल्या काही दिवसांपासून रुखसार आणि फारुख चर्चेत आले आहेत.

तेरा वर्षांचा या सेलिब्रेटींचा संसार हा आता मोडला असून रुखसारनं सोशल मीडियावर देखील याविषयी पोस्ट लिहिली आहे. त्यात तिनं फारुखविषयी अनेक गोष्टी सांगितल्या आहेत. स्वताचा आणखी अपमान करुन घ्यायचा नाही. आणि सगळ्यात महत्वाचे म्हणजे स्वताच्या नजरेतून आणखी खजील व्हायचं नाही. असा विचार करुन रुखसारनं हा मोठा निर्णय घेतल्याची बाब समोर आली आहे.

Also Read - Internet shutdown : खरोखरच इंटरनेट बंद केल्याने दंगली थांबतात का?

काही महिन्यांपासूनच रुखसार आणि फारुख कबीर यांच्यात काही आलबेल नाही. अशी चर्चा सुरु झाली होती. मात्र आता थेट मोठी बातमीच रुखसारनं दिल्यानं चाहत्यांना मोठा धक्का बसला आहे. त्यांच्या नात्यांमध्ये घरच्यांनी देखील त्यांना समजावण्याचा प्रयत्न केला. मात्र ते आपल्या निर्णयांवर ठाम असल्याचे दिसून आले आहे. फेब्रुवारीपासून रुखसा आणि फारुख हे वेगळे राहत आहेत. आता त्यांनी घटस्फोटाची घोषणा केली आहे.

ईटाईम्सनं दिलेल्या एका रिपोर्टनुसार, अभिनेत्रीच्या एका जवळच्या व्यक्तीनं सांगितलं आहे की, रुखसारला आता संसारात काही रस नव्हता. तिचं आणि फारुखचं काही पटतही नव्हतं. त्यामुळे तिनं त्या नात्याला पूर्णविराम देण्याचा निर्णय घेतला. रुखसारनं यावर दिलेली प्रतिक्रियाही आता सोशल मीडियावर चर्चेत आली आहे.

रुखसार म्हणते की, हो हे खरं आहे की आम्ही वेगळे झालो आहोत. आणि आता घटस्फोटही घेणार आहोत. आम्ही सध्या त्याच प्रोसेसमध्ये आहोत. वकील यात आमची मदतही करत आहेत. त्यामुळे मी आता त्यावर आणखी काही बोलू इच्छित नाही. अशी प्रतिक्रिया रुखसारनं दिली आहे. यासगळ्यात रुखसारनं इंस्टावरुन जी पोस्ट केली आहे त्यामुळे ती चर्चेत आली आहे.