मराठी मनोरंजन विश्वातील प्रसिद्ध अभिनेत्री म्हणुन सई ताम्हणकरचं नाव नेहमीच आघाडीवर असतं. ती नेहमीच वेगळेपणासाठी ओळखली जाते. तिनं मराठी मनोरंजनसृष्टीबरोबरच बॉलिवूडमध्येही धमाकेदार अभिनयानं प्रेक्षकांची मनं जिकंली आहे. तिच्या मिमि या चित्रपटासाठी तिला नुकतचं सर्वोत्कृष्ट सहाय्यक अभिनेत्रीच्या पुरस्कारानं गौरविण्यात आले होते.

सई ही अभिनयाबरोबरच सोशल मिडियावरही सक्रिय असते. ती नेहमीच चाहत्यांच्या संपर्कात राहते. नेहमी काही ना काही पोस्ट करते. तिच्या चाहत्यांनाही तिच्याबद्दल जाणुन घेण्याची उत्सुकता असतेच. मात्र सध्या तिच्या इंस्टाग्रामवरील तिच्या स्टोरीची चर्चा रंगली आहे. त्याबरोबरच तिच्या अफेअरच्या चर्चाही पुन्हा सुरु झाल्या आहेत.

त्याच झालं असं की सईनं तिच्या स्टोरीला एक फोटो पोस्ट केला आणि मला तूझी खुप आठवण येत असल्याचं म्हटलं. मग काय आता 'तो' कोण हा प्रश्न तिच्या चाहत्यांना पडला. पण याचं उत्तरही तिनंच दिल आहे.

सईनं चित्रपट निर्माता अनिश जोगबरोबरचा फोटो सोशल मीडियावर शेअर केला आहे. मात्र ही काही पहिली वेळ नाही. तिने याआधीही त्याच्या सोबतचे फोटो शेअर केले आहेत. तिच्यात आणि अनिशच्या नात्याबद्दल ती कधीही स्पष्टपणे बोललेली नाही. ती दौलतराव म्हणत ती अनिशचे फोटो शेअर करत असते.