Saif-Kareena Love story: बॉलीवूड इंडस्ट्रीमंध्ये अशा अनेक जोड्या आहेत ज्यांच्या वैयक्तिक आयुष्यातील लव्हस्टोरी खूप प्रसिद्ध होतात. लोकांना अनेकदा आपल्या आवडत्या कलाकारांच्या लव्ह स्टोरी ऐकायला आवडतात. अशामध्ये आम्ही तुम्हाला सांगायला जाणार आहोत सैफ अली खान आणि करीना कपूर यांच्या प्रेमकहाणीला नेमकी सुरुवात कशी झाली.

सैफ-करीनाचे प्रेमाचे किस्से तसे प्रसिद्ध आहेतच पण अनेकदा ऐकायला मिळालंय किंवा वाचायला मिळालं आहे की या दोघांची पहिली भेट सिनेमाच्या सेटवर झाली होती.(Saif-Kareena Love story begin one photo reveal all truth)

असं म्हटलं जातं की 'टशन' सिनेमाच्या सेटवर या दोघांमध्ये जवळीक वाढली होती. पण असं असलं तरी सैफ आणि करीनाच्या पहिल्या भेटीसंदर्भात लोकांमध्ये कन्फ्यूजन वाढताना दिसत आहे.

काही दिवसांपूर्वीच प्रसिद्ध फोटोग्राफर डब्बू रतनानीनं याचा खुलासा केला आहे. त्याचे म्हणणे आहे की सैफ आणि करीनाची लव्हस्टोरी ही त्याच्या स्टुडिओपासून सुरू झाली होती. डब्बू रतनानीनं चाहत्यांसोबतच्या 'आस्क मी एनिथिंग' सेशन दरम्यान याचा खुलासा केला आहे.

जिथे एका सोशल मीडिया युजरनं सैफ आणि करीनाचा एक जुना फोटो शेअर करत प्रश्न केला की यामागे काय कहाणी आहे. सैफ-करीनाच्या या फोटोला डब्बू रतनानीनं २००५ मध्ये क्लिक केलं होतं.

नेटकऱ्याच्या प्रश्नाला उत्तर देताना फोटोग्राफरनं सांगितलं की हे पहिल्यांदा त्याच्याच स्टुडिओत भेटले होते. आणि इथूनच दोघांची लव्हस्टोरी सुरू झाली. शेअर केलेला फोटो ब्लॅक अॅन्ड व्हाइट आहे. ज्यात सैफ आणि करीना पोझ देताना दिसत आहेत.

इथेच सैफला करिना पहिल्या भेटीत आवडली होती. ज्यानंतर अनेक वर्ष दोघांनी डेट केलं आणि मग अखेर २०१२ मध्ये त्यांनी लग्नगाठ बांधली. करीना आणि सैफ यांनी एकत्रितपणे ५ सिनेमे केले आहेत. या कपलसोबतच यांचे चाहते त्यांच्या मुलांवरही प्रेमाचा वर्षाव करताना दिसतात. तैमूरला घेऊन चाहत्यांमध्ये भलतीच क्रेझ पहायला मिळते. करीनाची दोन्ही मुलं नेहमीच चर्चेत पहायला मिळतात.