Salman Khan On Aishwarya Rai : बॉलीवूडमध्ये नेहमीच ज्यांच्या लवस्टोरीची चर्चा होत असते त्या सलमान अन् ऐश्वर्याविषयी जेवढं बोलावं, सांगावं तेवढं कमी आहे. या दोन्ही सेलिब्रेटींनी गेल्या तीन दशकांहून अधिक काळ आपल्या अभिनयानं प्रेक्षकांचे मनोरंजन केले आहे. ऐश्वर्याच्या सौंदर्याचे साऱ्या जगभर कौतुक होताना दिसते.
सलमान भलेही साठीच्या जवळ पोहचला असला तरी त्याच्या व्यक्तिमत्वात फारसा फरक पडलेला नाही. अजूनही तो एखाद्या तिशी-चाळीशीच्या अभिनेत्याप्रमाणे काम करताना दिसतो. याच महिन्यात त्याचा टायगर ३ नावाचा चित्रपट प्रेक्षकांच्या भेटीला येणार आहे. सलमाननं वेगवेगळ्या प्रकारे त्याचे प्रमोशन सुरु केले आहे. त्या चित्रपटाची जोरदार चर्चाही आहे.
या सगळयात सलमान आणि ऐश्वर्या रॉयच्या प्रेमप्रकरणाची पुन्हा एकदा चर्चा सुरु झाली आहे. असं म्हटलं जातं सलमान जेव्हा ऐश्वर्या रॉयला डेट करत होता तेव्हा त्यानं तिला मोठ्या प्रमाणावर मानसिक त्रास दिला होता. त्याच्यावर मारहाणीचे आरोपही झाले होते. २००२ मध्ये ऐश्वर्यानं खुलासा केला होता की, सलमाननं तिच्यासोबत गैरव्यवहार केला होता. आता ऐश्वर्या तिच्या वैवाहिक आयुष्यात सुखी आहे. सलमान मात्र अजूनही अविवाहितच आहे.
सलमान काय म्हणाला होता?
ऐश्वर्या रॉयनं जे आरोप केले होते त्यावर सलमाननं उत्तर दिले होते. एनडीटीव्हीला दिलेल्या त्या मुलाखतीमध्ये त्यानं आपल्यावर जे काही आरोप झाले ते फेटाळून लावले होते. त्यानं अप्रत्यक्षपणे असं म्हटलं होतं की, मी जर खरंच ऐश्वर्याला मारण्याचा प्रयत्न केला असता तर काय झालं असतं, ती वाचली असती का, त्या महिलेनं तसं बोललं म्हणून मी लगेच त्यावर काही बोलायचं हे बरोबर नाही.
तुम्हाला माहिती आहे का, एकदा का पत्रकारानं असं म्हटलं होतं की, मी जोरानं टेबलावर हात मारला तर तो टेबल तुटला. आता तुम्हीच सांगा कोण काय बोलतं, कशापद्धतीनं सांगते यावरुन तुम्ही व्यक्तींना पारखून घेणार आहात का असा सवाल सलमाननं यावेळी उपस्थित केला होता. मी मागेही म्हटले होते की, जर मी खरचं कुणाला मारणार असेल तर माझी जाहीरपणे लढाई होईल.
मला राग आला तर माझी खूपच जबरदस्तपणे भांडणे होतील. मला नाही वाटतं त्यावेळी कुणी वाचेल. आता जे काही बोलले जात आहे ते खरे नाही. आणि मला माहिती नाही लोकं असे माझ्याविषयी का बोलतात. अशा शब्दांत सलमाननं त्याच्या भावना व्यक्त केल्या आहेत.
सलमानचा बहुचर्चित आणि बहुप्रतिक्षित टायगर ३ दिवाळीत प्रदर्शित होतो आहे. त्यामध्ये कतरिना, इम्रान हाश्मी यांच्या प्रमुख भूमिका आहेत. सलमानच्या या चित्रपटाची गेल्या काही वर्षांपासून चर्चा सुरु होती. त्यामुळे प्रेक्षकांना टायगर ३ ची उत्सुकता आहे. सलमानचा टायगर ३ हा शाहरुखच्या जवान किंवा पठाणचे रेकॉर्ड ब्रेक करणार का असेही प्रश्न सोशल मीडियातून समोर आले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.