Salman Khan-Hrithik roshan Legal Notice: सध्या कलाकारांना पान मसाल्याच्या जाहिरात करणे चांगलेच महागात पडत आहे. काही दिवसांपुर्वी अक्षय कुमारही अशाच एका अडचणीत सापडला होता.

तर आता गुटखा कंपनीची जाहिरात केल्याबद्दल हृतिक रोशन, टायगर श्रॉफ आणि सलमान खान हे कलाकार देखील अडचणीत आले आहे. या कलाकारांना कायदेशीर नोटीस पाठवण्यात आली आहे.

हे कलाकारच नव्हे तर माजी क्रिकेटपटू कपिल देव, सुनील गावस्कर आणि वीरेंद्र सेहवाग यांनाही कायदेशीर नोटीस पाठवण्यात आली आहे.

हे कलाकार आणि क्रिकेटर्स गुटखा कंपनीची जाहिरात करतात. या संदर्भात लखनौ उच्च न्यायालयाचे वकील मोतीलाल यादव यांनी या सर्व 6 जणांना कायदेशीर नोटीस पाठवल्याचे वृत्त आहे.

2023 मध्ये पान मसालाची जाहिरात चांगलीच चर्चेत आली होती. पान मसाला जाहिरातीबाबत अक्षय कुमारला तर थेट चाहत्यांची माफीही मागावी लागली.

यानंतर अक्षय कुमार, अजय देवगण आणि शाहरुख खान यांना पान मसाला जाहिरातीसाठी नोटीस पाठवल्यानंतर आता सलमान - हृतिकया कलाकारांसह माजी क्रिकेटपटू देखील अडचणीत आले आहेत.

इतकंच नाही तर आता पान मसाला जाहिरातीसाठी कलाकारांनी केलेला करार 15 दिवसांत संपवावा, अशी सुचना देण्यात त्यांना आली आहे. तसे न केल्यास गुटखा कंपनीचे समर्थन केल्याबाबत न्यायालयात सुरू असलेल्या खटल्यात या स्टार्सची नावेही जोडण्यात येणार असल्याचे सांगण्यात आले आहे.

जर त्यांनी तसे केले नाही, तर या लोकांची नावे न्यायालयात सुरू असलेल्या प्रकरणात समाविष्ट केली जातील किंवा या सर्वांविरुद्ध नवीन जनहित याचिका दाखल केली जाईल.

याप्रकरणी स्टार्सशिवाय काही क्रिकेटपटूंनाही कायदेशीर नोटीस मिळाली आहे. ज्यात कपिल देव, सुनील गावस्कर आणि वीरेंद्र सेहवाग यांसारख्या माजी क्रिकेटपटूंच्या नावांचा समावेश आहे.

त्यामुळे आता या बातमीमुळे या कलाकारांच्या चाहत्यांची चिंता वाढली आहे. आता या प्रकरणी कलाकार कोणती भूमिका घेतात याकडे सर्वांचे लक्ष लागले आहे.

तर दुसरीकडे शाहरुख खान, अजय देवगण आणि अक्षय कुमार यांना अलाहाबाद कोर्टाने नुकतीच नोटीस पाठवली होती. त्यावर केंद्र सरकारच्या वकिलाने लखनौ खंडपीठाला ही याचिका फेटाळण्यास सांगितले होते. या प्रकरणाची सुनावणी पुढील वर्षी 9 मे 2024 रोजी होणार आहे.