Salman Khan Reaction On Gadar 2 : सध्या बॉलिवूडमध्ये सनी देओलच्या गदर 2 आणि अक्षयच्या OMG 2 ची चर्चा आहे. या दोन्ही चित्रपटांनी बॉक्स ऑफिसवर चांगली कामगिरी केली असली तरी सनी पाजीच्या गदर 2 ने यात बाजी मारली आहे.

गदरची क्रेझ चाहत्यांमध्ये मोठ्या प्रमाणात दिसून आली. तब्बल 23 वर्षांनी या चित्रपटाचा सिक्वेल आला आणि प्रेक्षकांनी या चित्रपटाला भरभरुन प्रेम दिलं. या चित्रपटाला मिळणारा प्रतिसाद पाहिल्यानंतर बॉलिवूडचा भाईजान सलमान खानही स्वतःला गदर 2 चं कौतुक करण्यापासून थांबवू शकला नाही. त्याने देखील सनी देओलचं आणि पुर्ण टिम खुप कोतूक करत पोस्ट शेयर केली.

गदर 2 बाबत सलमाननं सोशल मीडियावर एक पोस्ट शेयर करत या चित्रपटाच्या कमाई बाबत अपडेट दिली . गदर 2 चे पोस्टर शेअर करताना सलमान खानने लिहिलं की, 'ढाई किलो का हाथ 40 कोटींच्या ओपनिंग बरोबर आहे. सनी पाजीने कमाल केली. गदर 2 च्या संपूर्ण टीमचे अभिनंदन.'

गदर 2 ने पहिल्याचं दिवशी बॉक्स ऑफिसवर बक्कळ कमाई केली. या चित्रपटाने पहिल्या दिवशी 40 ते 45 कोटींची कमाई केली आहे. या कमाईनुसार आता पठाण नंतर सर्वात मोठी ओपनिंग देणारा दुसरा सिनेमा गदर 2 ठरला आहे. आता लवकरच हा सिनेमा 100 कोटींचा टप्पा पार करेल अशी अपेक्षा चाहत्यांना आणि चित्रपटाच्या निर्मात्यांना देखील आहे.

सनी देओल आणि अमिषा पटेल यांच्या 2001 मध्ये आलेल्या गदर: एक प्रेम कथा या चित्रपटाचा सिक्वेल असलेल्या या सिनेमात सनी देओल आणि अमिषा पटेल यांच्या सुपरहिट जोडी व्यतिरिक्त उत्कर्ष शर्मा, सिमरत कौर आणि मनीष वाधवा सारखे कलाकार या चित्रपटात आहेत.

या चित्रपटाला समिक्षकांच्या देखील समिंश्र प्रतिसाद मिळाला आहे. काहींनी हा चित्रपट फुल मनोरंजन करणारा वाटला तर काहींना निव्वळ कंटाळवाणा. आता त्यातच सलमान खाननं चित्रपटाचं कौतुक केल्यानंतर आता भाईजानचे चाहतेही हा चित्रपट पाहण्यासाठी उत्सूक दिसताय.