सध्या मनोरंजन विश्वावर साउथ चित्रपटांचा दरारा आहे. त्यामुळेच दाक्षिणात्य अभिनेते आणि अभिनेत्री यांची जरा जास्तच हवा आहे. साउथ अभिनेत्रींमध्ये अनेक सौदर्यंवती आहेत. त्यातच अभिनेत्री समांथा रुथ प्रभू तिच्या अभिनयाबरोबरचं सौदर्यंसाठीही लोकप्रिय आहे.

समांथा रुथ प्रभू हिने आपल्या अभिनयाने इंडस्ट्रीत एक वेगळी ओळख निर्माण केली आहे. सध्या ती तिच्या आगामी 'शकुंतलम' या चित्रपटासाठी चर्चेत आहे. चित्रपटाच्या प्रमोशनमध्ये समांथा व्यस्त आहे.

तिचा हा चित्रपट रिलिजपुर्वीच बराच चर्चेत आहे. या चित्रपटाचा टिझर असो किंवा ट्रेलर प्रेक्षकांना तो खुप आवडला. त्यातच समांथाचा रॉयल लुकने प्रेक्षकांना भुरळ पाडली. आता तिने या चित्रपटात तिने कॅरी केलेल्या दागिन्यांची वेगळीच चर्चा सुरु झाली आहे.

समांथा रुथ प्रभूच्या आगामी चित्रपटातील तिचा लूक सध्या सोशल मिडियावर व्हायरल होत आहे. सोशल मीडियावर तिने परिधान केलेल्या दागिन्यांची किंमत जाणून सर्वांनाच धक्का बसला आहे. वृत्तानुसार या चित्रपटात समांथाने परिधान केलेल्या दागिन्यांची सुमारे किंमत 14 कोटी रुपये आहे.

समांथाच्या चित्रपटाचे सर्व पोस्टर्स चाहत्यांचं लक्ष वेधून घेण्यात यशस्वी ठरत आहेत. या चित्रपटातील पोशाख हा प्रसिद्ध फॅशन डिझायनर नीता लुल्ला यांनी डिझाइन केला आहे. तसेच तिने परिधान केलेल्या 14 कोटींच्या दागिन्यांचे श्रेयही नीता यांनाच जाते.

दीपिका पदुकोणनेही पद्मावत चित्रपटात इतके महागडे दागिने घातले नव्हते. या चित्रपटात दीपिकाने सुमारे 11 कोटी 80 लाखांचे दागिने परिधान केले होते. अशा परिस्थितीत समांथाची ज्वेलरी चर्चेचा भाग बनली आहे.