Sandeep Reddy Wanga: 'अ‍ॅनिमल' चित्रपटाची सध्या खुपच चर्चा आहे. या चित्रपटाने भारतीय बॉक्स ऑफिसवर 500 कोटीहून अधिक कमाई केली आहे तर जगभरात हजार कोटींचा टप्पा पार केला आहे.

रणबीर कपूर स्टारर या चित्रपटाचे दिग्दर्शन संदीप रेड्डी वंगा याने केले होते. त्याच्या दिग्दर्शनाचेही खूप कौतुक होत आहे. 'कबीर सिंग' आणि 'अ‍ॅनिमलच्या जबरदस्त यशानंतर दिग्दर्शक संदीप रेड्डी वंगा खुपच चर्चेत आले आहेत.

'अॅनिमल' या चित्रपटाच्या सिक्वेलची घोषणाही चित्रपटाच्या शेवटी करण्यात आली आहे. आता संदीप रेड्डी वंगा त्याच्या नव्या प्रोजेक्टमध्ये व्यस्त झाला आहे. त्याने एक दोन नव्हे तर एकापाठोपाठ तीन चित्रपटांची घोषणा केल्याची चर्चा आहे.

'अ‍ॅनिमल' नंतर वांगाने चित्रपटाचा सिक्वेल 'अ‍ॅनिमल पार्क'वर काम सुरू केले आहे. हा त्याचा पुढचा सिनेमा असेल.

T-Series प्रॉडक्शन कंपनीचे मालक आणि निर्माते भूषण कुमार यांनी वंगासोबत अनेक चित्रपटांसाठी करार केल्याची माहिती आहे .

T-Series ने शेअर केलेल्या पोस्टमध्ये लिहिले आहे की, ' ही विश्वासाच्या अतूट बंधनाने मजबूत झालेली भागीदारी आहे. निर्माता भूषण कुमार आणि दिग्दर्शक संदीप रेड्डी वंगा त्यांच्या पुढच्या सिनेमॅटिक चमत्काराची घोषणा करत आहोत. प्रभासचा 'स्पिरिट', 'अ‍ॅनिमल पार्क' आणि अल्लू अर्जुनचा 'सागा'.

सध्या हे ट्विट सोशल मिडियावर व्हायरल होत आहे. या घोषणेनंतर वांगाचे चाहते खुपच खुश आहेत.

'स्पिरिट' चित्रपटाबद्दल बोलायचे झाले तर स्पिरिटमध्ये प्रभास पोलिसांच्या भूमिकेत दिसणार आहे. अशी चर्चा आहे.

मीडिया रिपोर्ट्सनुसार, प्रभासच्या करिअरसाठी हा सिनेमा खुप महत्वाचा असेल. यात तो एका निर्दयी पोलिस अधिकाऱ्याची भूमिका साकारणार आहे. ही पहिलीच वेळ असेल जेव्हा प्रभास पोलिसांच्या गणवेशात दिसणार आहे. हा चित्रपटही वांगाच्या मागील चित्रपटांप्रमाणेच अॅक्शन पॅक असले.

'स्पिरिट' हा सिनेमा जपानी, चायनीज आणि कोरियन भाषांसोबत तमिळ, तेलगू, कन्नड, मल्याळम आणि हिंदीमध्ये रिलीज होणार आहे.

वंगा आणि भूषण हे 'पुष्पा' स्टार अल्लू अर्जूनसोबतही नवा सिनेमा बनवणार आहेत. या वर्षाच्या सुरुवातीला त्यांनी ही घोषणा केली होती. 'स्पिरिट'चे काम पूर्ण केल्यानंतर ते अल्लू स्टारर सागा चित्रपटाचे काम सुरु करणार आहे.

या चित्रपटाचे नाव काय सागा असल्याची चर्चा आहे तर यात आणखी कोणते कलाकार दिसणार याबाबत माहिती नाही. अल्लू या चित्रपटातून बॉलिवूडमध्ये प्रवेश करणार असल्याच्या चर्चा आहे.

संदीप रेड्डी वंगा रणबीर कपूरसोबत 'अ‍ॅनिमल पार्क' आणि पॅन इंडियाचा स्टार प्रभाससोबत 'स्पिरिट', त्याचबरोबर अल्लू अर्जूनसोबत 'सागा' चित्रपट तयार करणार आहे.