Sangram Singh Birthday: टीव्ही मनोरंजन विश्वामध्ये आपल्या वेगळ्या धाटणीच्या स्वभावामुळे वेटलिफ्टर आणि पैलवान संग्राम सिंग हा परिचित आहे. आज तो त्याचा 39 वा वाढदिवस साजरा करतो आहे. त्यानिमित्तानं आपण (Tv Entertainment News) त्याच्याशी संबंधित काही रंजक गोष्टी जाणून घेणार आहोत. कॉमनवेल्थ गेममध्ये सुवर्ण पदक जिंकून देशाचं नाव उज्जवल करणाऱ्या (Bollywood Actor) संग्रामचा प्रवास मोठा खडतर होता. त्यानं काही काळ अभिनय क्षेत्रामध्ये देखील काम केले आहे. यासगळ्यात त्याला वेगवेगळ्या संकंटांना सामोरं जावं लागलं होतं.

संग्राम हा अनेक रियॅलिटी शोमध्ये देखील सहभागी झाल्याचे दिसून आले आहे. (trending News) काही दिवसांपूर्वी संग्राम आणि अभिनेत्री पायल रोहतगी यांचा विवाहसोहळा पार पडला. त्याचे फोटो सोशल मीडियावर व्हायरल झाले होते. त्याला चाहत्यांचा मोठा प्रतिसाद मिळाला. पायल ही सोशल मीडियावर नेहमीच वेगवेगळ्या कारणासाठी चर्चेत राहणारी अभिनेत्री आहे. कंगनाच्या लॉक अप रियॅलिटी शोमध्ये तिनं केलेल्या विविध खुलाशांना नेटकऱ्यांची दाद मिळाली होती. पायलनं संग्रामशी लग्न केल्यानंतर चाहत्यांनी आनंद व्यक्त केला आहे.

21 जुलै 1985 मध्ये रोहतकमधल्या एका छोट्याशा गावात संग्रामचा जन्म झाला. त्यानं अनेक अडचणींना सामोरं जात आपलं पैलवान होण्याचं स्वप्न पूर्ण केलं. संग्रामचे वडिल हे आर्मीमध्ये होते. आता ते निवृत्त झाले असून आई रमादेवी गृहिणी आहे. संग्रामला आठ वर्षे व्हिलचेअरवर बसून राहावे लागले होते. त्याला एक आजार जडला त्यामुळे तो व्हिलचेअरवर होता. मात्र त्यानं हार मानली नाही.काहीही झालं तरी पैलवान व्हायचचं अशी जिद्द त्यानं मनाशी बाळगली होती. अखेर त्यात तो यशस्वीही झाला.

संग्रामला रुमेटोईड नावाचा आजार झाला होता. असे सांगितले जाते. 2015 मध्ये आलेल्या उवा या चित्रपटातून त्यानं बॉलीवूडमध्ये पदार्पण केलं. त्यानंतर तो सर्वायवर इंडिया, द अल्टिमेट बॅटल, नच बलिए 7, बिग बॉस सारख्या रियॅलिटी शोमध्ये सहभागी झाला होता.