Sara Ali Khan At Amarnath Yatra: बॉलिवूड अभिनेत्री सारा अली खान ही नेहमीच कोणत्या ना कोणत्या कारणाने चर्चेत राहते. अनेकदा मंदिर, मशिदी आणि गुरुद्वारांना या धार्मिक स्थळी भेटीही देत असते. काही दिवसांपुर्वीच सारानं चित्रपटाच्या प्रमोशन दरम्यान मंदिरांना भेटी दिल्या.

मात्र काहींना हे मुळीच पटल नाही. अनेकांनी तिला ट्रोल केलं.मात्र या टिकेला न जुमानता माझी श्रद्धा आहे आणि मी मंदिरात जातच राहणार असं सारानं स्पष्ट केलं. तसचं काहीस तिने केलंही.

यावेळी सारा बाबा बर्फानी यांच्या दरबारात दर्शनासाठी गेली आहे. सारा अली खानने तिच्या अमरनाथ यात्रेचा एक व्हिडिओ सोशल मिडियावर चाहत्यांसोबत शेअर केला आहे.

साराचा हा व्हिडिओ अमरनाथ यात्रेच्या आहे ज्यात ती हातात काठी घेऊन पायी प्रवास करताना दिसत आहे, एवढेच नाही तर सारा उत्साहाने हर हर महादेवचा जयघोष करत तिची यात्रा पुर्ण करत आहे.

सारा अली खान व्हिडिओमध्ये ट्रॅक सूट परिधान करून, डोक्यावर शाल घेवुन बाबा बर्फानीच्या येथील घंटा वाजवताना दिसत आहे. साराने प्रेक्षकांना तिच्या खास शैलीत अभिवादन केले आणि ती अमरनाथ यात्रेवर आल्याचं सांगितलं.

ती या व्हिडिओत अमरनाथच्या गुहेबाहेरील भाविकांची एक झलकही दाखवते. व्हिडिओत सारा अली खान बाबा बर्फानीच्या गुहेकडे जात आहे आणि इतर भक्तांसोबत तिचा प्रवास पुर्ण करत आहे.

सारा अली खान ही महादेवाची भक्त आहे. तिचा आणि शिवभक्तीशी विशेष संबंध आहे. 'केदारनाथ' हा तिचा पहिला चित्रपट होता ज्याने तिला बॉलिवूडमध्ये खूप ओळख मिळवून दिली. या चित्रपटाच्यावेळी देखील सारानं अनेकदा केदारनाथला भेट दिली आहे.

साराच्या कामाबद्दल बोलायचं झालं तरी नुकतिच विक्की कौशलसोबत जरा हटके जरा बचके चित्रपटात दिसली जो बॉक्स ऑफिसवर चांगलाच गाजला. आता ती अनुराग बसूच्या 'मेट्रो इन डिनो' चित्रपटात व्यस्त आहे.

यात तिच्यासोबत आदित्य रॉय कपूर, कोंकणा सेन शर्मा, पंकज त्रिपाठी, फातिमा सना शेख, अनुपम खेर, अली फजल आणि नीना गुप्ता यांच्याही प्रमुख भूमिका आहेत.