Zara Hatke Zara Bachke Vs Adipurush Box Office Collection:गेल्या काही दिवसांपासून साउथस्टार प्रभास आणि क्रिती सनेनचा 'आदिपुरुष' या चित्रपटाची खुप क्रेझ होती. प्रेक्षक या चित्रपटाची आतुरतेने वाट पाहत होते. मात्र चित्रपट रिलिज झाल्यानंतर या चित्रपटाने चाहत्यांची खुपच निराशा केली.

हा चित्रपट वादात अडकला आणि रामायणाच्या कथेला अतिशय चुकीच्या पद्धतिने निर्मात्यांनी मांडले असून चित्रपटाच्या कलाकारांचा लुक, त्याचे संवाद प्रेक्षकांना मुळिच आवडले नाहीत.

याचाच परिणाम चित्रपटच्या कमाईवर पडला. चित्रपट प्रदर्शित होऊन 11 दिवस झाले, पण दुसऱ्या आठवड्यातच आदिपुरुषचा बॉक्स ऑफिसवरचा मुक्काम उठला.

मात्र आदिपुरुषच्या वादाचा फायदा विकी अन् साराच्या जरा हटके जरा बचके या चित्रपटाला पुरेपुर झाला. हा चित्रपट प्रदर्शित होऊन 25 दिवस झाले असले तरी अजूनही हा चित्रपट कमाई करत आहे. आता त्याने आदिपुरुषलाही मागे टाकले आहे.

संथ गतीने का हाईना पण 'जरा हटका जरा बचके' बॉक्स ऑफिसवर चांगलीच कमाई केली.

(Zara Hatke Zara Bachke)

आदिपुरुषने रिलीजच्या 11व्या दिवशी म्हणजेच सोमवारी फक्त1.75 कोटी कमावले. या आकड्यानंतर भारतातील आदिपुरुष चित्रपटाची एकूण कमाई 275.75 कोटी झाली आहे.

तर दुसरीकडे विकी कौशलचा 'जरा हटका जरा बचके' हा चित्रपट 2 जून रोजी थिएटरमध्ये प्रदर्शित झाला. विकी आणि साराच्या केमिस्ट्रीला प्रेक्षकांनी चांगला प्रतिसाद मिळत आहे.

आता 'जरा हटके जरा बचके'ने रिलीजच्या 25व्या दिवशी 80 कोटींचा टप्पा ओलांडला आहे. विकी आणि सारा व्यतिरिक्त शारीब हाश्मी, सुष्मिता बॅनर्जी, नीरज सूद आणि इनाममुलहक हे देखील मुख्य भूमिकेत आहेत.

(Adipurush)

सारा विकीच्या या चित्रपटाने जगभरात 103 कोटींची कमाई केली आहे. अत्यंत कमी बजेटमध्ये तयार करण्यात आलेल्या या चित्रपटाने तब्बल 600 कोटींच्या बजेटमध्ये तयार करण्यात आलेल्या तगडी स्टार कास्ट असलेल्या आदिपुरुषला बॉक्स ऑफिसच्या युद्धात हरवलं आहे.